Badaen sira hala’o hela serbisu iha konstrusaun Eskola Sekundária Jerál, Dom Carlos Filipe Ximenes Belo iha suku Afaça, postu administrativu Quelicai, munisípiu Baucau. Imajen espesiál.

BAUCAU, 22 juñu 2022 (TATOLI) – Konstrusan Eskola Sekundária Jerál (ESG, sigla portugés), Dom Carlos Filipe Ximenes Belo, ne’ebé lokaliza iha suku Afaça, postu administrativu Quelicai, munisípiu Baucau atinje 25%.

Projetu ne’e implementa liuhosi Programa Konstrusaun Reabilitasaun Eskolár (PKRE) ho montante $125.450,86.

Koordenadór ESG, Dom Carlos Filipe Ximenes Belo, Carlos Ximenes Filipe, esplika, progresu konstrusaun eskola refere hamutuk sala aula tolu, ekritóriu ida no toilet ida-ne’ebé daudaun ne’e tama ona faze fondasaun inklui nahe sumente antes hada batako.

“Atinje ona 25% maibé kondisaun estrada no iklima halo serbisu tarde,” Koordenadór ESG Dom Carlos Belo hateten iha Vila Nova, kuarta ne’e.

Prosesu konstrusaun hahú iha loron 03 fulan-marsu nune’e jerente eskola refere garante sei finaliza.

“Durante ne’e ami utiliza ensinu báziku nia edifísiu, ami  agradese  ba Ministériu Edukasaun maibé presiza tán sala tolu tanba ne’e presiza sala aula neen,” Carlos Filipe akresenta.

ESG Dom Carlos Filipe Ximenes Belo rejista totál estudante hamutuk 120 komposta hosi mane na’in-70, feto na’in-50 no manorin-na’in hamutuk 17 komposta hosi permanente na’in-rua no voluntária reklamante na’in-15.

Jornalista     : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here