Prezidente Komisaun Nasionál Eleisaun (CNE, sigla portugés), José Agostinho da Costa Belo. Imajen Tatoli/Francisco Sony.

DILI, 22 juñu 2022 (TATOLI)—Prezidente Comissão Nacional de Eleições (CNE), José Agostinho da Costa Belo, hateten to’o agora CNE seidauk simu notifikasaun legalidade hosi Tribunal Rekursu (TR) ba organizasaun “Os Verdes” sai partidu tanba seidauk rejistu ofisiál hanesan partidu foun.

“Os Verdes ne’e seidauk rejistu ofisiál hanesan partidu foun, tanba foin lalais ita akompaña iha televizaun katak rejistu ona iha natariadu no notifika ona iha Tribunál Rekursu maibé to’o agora ami seidauk simu ida-ne’e,” Prezidente CNE ne’e hateten ba Agência TATOLI, iha nia knar fatin Colmera, Dili, kuarta ne’e.

Nia hateten, Tribunál Rekursu (TR) notifika ona “Os Verdes” maibé to’o agora estrutura, bandeira, emblema, fatin ka eskritóriu “Os Verdes” nian seidauk entrega ba Comissão Nacional de Eleições (CNE).

“Ne’ebé, ami seidauk rekoñese Os Verdes hanesan partidu hodi konvida sira atu tuir reuniaun ruma no Os Verdes rasik seidauk aprezenta buat ida ba ami, entaun ami seidauk hatene sira-nia atividade,” José esplika.

Karik “Os Verdes” rejista no iha ona legalidade hanesan partidu ida iha Timor-Leste, José hatán, sira iha direitu halo atividade hanesan halo preparsaun ba eleisaun no oinsá hala’o funsaun partidu ninian mak oinsá atrai sidadaun atu bele hamutuk ho sira.

Entretantu iha lei partidu polítíka ne’e ne’e iha artigu balun ne’ebé fó biban ba partidu polítika balun lori joven sira ba servisu iha rai-li’ur, prezidente CNE ne’e hateten, se ida-ne’e akontese entaun asaun ne’e la tuir ona definiasuan klaru hosi partidu nian tanba partidu modernu ne’e tenke faan nia progama no kapasidade hodi ukun ho vizaun ne’ebé mak iha.

“To’o agora, ita seidauk iha informasaun kona-ba kesatun partidu polítika balun rekruta joven ba servisu iha rai-li’ur. Problema iha ka lae ne’e, ita seidauk hatene. Maibé iha balun ne’ebé mak dala ruma kobra illegál ba ita-nia alin sira mak hodi ba servisu iha rai-li’ur, ida-ne’e labele tanba ita-nia alin sira susar ona mak atu buka servisu maibé ita halo susar liután,” nia dehan.

Tanba ne’e, nia husu ba Governu no liu-liu diplomata sira iha rai-li’ur tenke haree, Estadu iha hanoin atu halo ligasaun ho kompañia sira iha rai-liur nune’e bele fasilita joven sira ba servisu iha rai-li’ur.

“Nusa mak tenke partidu mak sai ajénsia ho kompañia iha rai-li’ur mak halo rekrutamentu, ida-ne’e responsabilidade Estadu nian ne’ebé tenke haree,” nia dehan.

Partidu polítiku labele halo rekrutamentu ba ema tanba partidu polítiku iha ne’ebá nia funsaun halo kooperativa no fó formasaun ba ema no loke mós kursu ruma bele fasilita sira, ida-ne’e partidu polítiku nia atividade.

“Maibé labele simu ema depois no aproveita ema, ida-ne’e Estadu no seguransa tenke haree ba kestaun ne’e,” nia hateten.

Medida saida mak CNE sei halo, nia hateten, CNE nia parte seidauk simu keixa hosi ema balun entaun labele foti medida. Se ema ruma hato’o mai katak iha rekrutamentu mak sente afetadu ka vítima tenke hola pozisaun parte ligadu sira, nune’e salva eleitór sira.

“Tanba atu integra iha partidu ruma tenke ho vontade no hanoin rasik, ita lakohi mosu fraude. Bainhira ita sosa ema nia votu ka ema nia fuan ne’e mós krime eleitorál,” nia dehan.

Daudaun ne’e, nia informa, iha partidu politiku hamutuk 17 mak rejista ona no aprezenta dokumentu ba Comissão Nacional de Eleições (CNE) mak hanesan:  

  1. Parrtidu União Democratico Timorense (UDT)
  2. Parrtidu Frente Revolucionària do Timor-Leste Independente (Fretilin)
  3. Partidu Demokráticu (PD)
  4. Partidu Movimentu Liberta Povu Maubere (MLPM)
  5. Partidu Esperança da Patria (PEP)
  6. Partidu Republicano (PR)
  7. Partidu Demokrata Cristão (PDC)
  8. Partidu Sosial Demokrata (PSD)
  9. Partidu Sosialista Timor (PST)
  10. Partidu Liberta Povu Aileba (PLPA)
  11. Partidu Associação Popular Monarkia Timorense (APMT)
  12. Partidu Unidade Nacional Democrática da Resistência Timorense (UNDERTIM)
  13. Partidu Kmanek Haburas Unidade Nacional Timor Oan (KUNTHO)
  14. Partidu Congresso Nacional de Reconstrução de Timor-Leste (CNRT)
  15. Partidu da Libertação Popular (PLP)
  16. Parditu Unidade Dezenvolvimentu Democratiku (PUDD)
  17. Partidu Frente-Mudança (PM)
  18. Partidu Dezenvolvimento Nacional (PDN)

Tribunál Rekursu molok atu rejistu definitivu ba kandidatu partidu ida hodi sai partidu polítiku tenke liuhosi rejistu provizóriu, hafoin públika ona iha rádiu, depois TR deside atu rejistu definitivu hanesan partidu politiku ida.

Tuir lejizlasaun, hafoin Ministériu Justisa halo autentikasaun no aprova pedidu kandidatu partidu polítiku ida-nian, iha prazu loron rua nia-laran mak haruka dokumentu hotu hosi kandidatu partidu polítiku ida-nian ba iha Tribunál Rekursu atu hetan legalidade.

Bainhira sai partidu polítiku ida tenke liuhosi faze verifikasaun dokumentu inskrisaun kumpre ona Lei partidu polítiku iha artigu 13, lei númeru 3/2004, 14 abríl, no alterasaun dahuluk ne’ebé introdús iha lei númeru 2/2016, 3 fevereiru, no artigu sira iha lei ne’e haktuir;

  1. Os partidos políticos são organizações de cidadãos de carácter permanente, com o objetivo de participar democraticamente na vida do país e de concorrer para a formação e expressão da vontade política do povo, em conformidade com as leis e com os respetivos estatutos e programas, intervindo nomeadamente no processo eleitoral mediante a apresentação ou o patrocínio de candidaturas.
  2. Os partidos políticos têm personalidade jurídica e capacidade judiciária e são exclusivamente constituídos por cidadãos nacionais.
  3. Não são considerados partidos políticos, para os efeitos da presente lei, as organizações sediadas ou registadas fora do território nacional, bem como aquelas em que a maior parte dos seus membros ou da sua direção tenha residência fora da República Democrática de Timor – Leste.
  4. Perde o estatuto de partido político a organização que não participar com programa próprio em nenhuma eleição a nível local ou nacional por um período de tempo superior a cinco anos.
  5. Verificada a circunstância prevista no número anterior, a Comissão Nacional de Eleições comunica o facto ao Supremo Tribunal de Justiça para efeitos da declaração da referida perda.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here