Plenaria Parlamentu Nasional. Imajen Tatoli Antonio Goncalves.

DILI, 21 juñu 2022 (TATOLI)—Parlamentu Nasionál (PN) hili ona kandidadu na’in-rua sai membru komisaun ba selesaun no rekrutamentu para primeiro provimento dos lugares de juiz Supremu Tribunál Justisa no juiz Tribunál Rekursu.

Notísia Relevente: Tempu To’o Ona Harii Supremu Tribunál Justisa

Liuhosi sesaun plenária, iha tersa (21 juñu 2022) ne’e, Deputadu sira hili kandidatu na’in-rua hanesan José Agusto Fernandes Teixeira ne’ebé aprezenta hosi bankada Fretilin no Rui Perreira dos Santos, aprezenta mai hosi bankada CNRT.

Hafoin ne’e kandidatu na’in-rua submete ba votasaun ho lista únika liuhosi votasaun sekretu ho rezultadu votu a-favór 60, kontra ho abstensaun 0.

“Nune’e membru na’in-rua eleitu hodi hola parte komisaun rekrutamentu no selesaun ba primeiru provimentu para lugares juizes Supremu Tribunál Justisa no primeiru provimentu dos lugares juizes Tribunál Rekursu konforme númeru 2 artigu 83, lei númeru 25/2021, 02 dezenbru, kona-ba lei Organizasaun Judisiária,” Prezidente Parlamentu Nasionál, Aniceto Longuinhos Guterres Lopes, fó sai iha sala plenária, Parlamentu Nasionál.

Enkuantu, kandidatu na’in-rua ne’e iha ona esperiénsia lubuk liga ho área justisa ne’ebé antes ne’e hanesan mós juiz, no daudaun hanesan advogadu ho esperénsia profisionál sira seluk.

Tuir Lei númeru 25 /2021, 02 dezembru kona-ba lei Organizasaun Judisiária iha artigu 83.º (Komisaun Rekrutamentu no Selesaun), iha númeru 2 hateten komisaun prevista iha númeru anteriór kompostu hosi sidadaun nasionál na’in-tolu hanesan; a) ida indika hosi Prezidente Repúblika; b) na’in-rua indika hosi Parlamentu Nasionál, proposta hosi bankada parlamentár, forma uninominál, eleitu hosi eleisaun sekretu hosi Deputadu mak hili.

Notísia Relevente: Ministru Tiago: dezenvolvimentu iha setór justisa hatudu progresu di’ak

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here