Prezidente Repúblika, José Ramos-Horta, hala'o enkontru ho Reprezentante International Finance Corporation, David Freedman ho nia ekipa. Iha salaun Palásiu Prezidensia, tersa (21/06). Imajen Tatoli/Francisco Sony

DILI, 21 juñu 2022 (TATOLI)—Reprezentante Prezidente International Finance Corporation (IFC) iha Timor-leste, David Freedman, hateten sira-nia parte sei hasa’e investimentu setór privadu iha área produtivu iha Timor-Leste.

Notísia Relevante: IFC iha kompromisu kontinua apoia dezenvolvimentu Timor-Leste

Reprezentante Residente Internasional Finance Corporation (IFC), David Freedman. Imajen Tatoli/Francisco Sony.

“Planu oin mai mak ami hanoin oinsá bele hasa’e investimentu iha fatin setór privadu liu-liu setór turizmu, agrikultura no mós oinsá ita bele hala’o nafatin projetu sira,” David Freedman hateten hafoin ramata enkontru ho Prezidente Repúblika, José Ramos Horta iha Palásiu Prezidensiál Nicolau Lobato, Bairru Pite, Dili, tersa ne’e.

IFC nia servisu la’o hela no atinje susesu lubuk ida no haree ba tinan rua oin mai, oinsá bele hakle’an tan rezultadu.

“Servisu la’o hela ne’e mak IFC parseira ho KAIBAUK Institutu Finansaa atu koopera ho sira hodi fornese servisu finanseiru ba komunidade Timor-Leste. Halo kooperasaun ho Ministéiru Finansa ho ajensia sira seluk kona-ba projeitu aeroportu Dili nian, sistema saúde nian no mós projetu reabilitasaun iha Hera,” nia dehan.

Modelu IFC la’ós haree ba iha orsamentu ne’ebé define uluk maibé haree ba oportunidade investimentu, entaun servisu koopera hamutuk ho kompañia sira, setór privadu no mós Governu atu dezenvolve tan oportunidade ba futuru.

“Hanesan liuhosi kooperasaun ne’e la’ós IFC mak fornese finansiamentu ba komunidade maibé IFC koopera ho KAIBAUK no mós fornese osan kapitál ba sira, depois sira empréstimu ba kliente sira,” nia hateten.

IFC nia investimentu ho KAIBAUK millaun $4,4-resin no KAIBAUK nia impréstimu fó ba kliente liu ona millaun $14.

Durante sorumutu, Xefe Estadu fó fiar ba IFC no husu bele buka oinsá atu hasa’e tan investimentu iha setór estratéjiku no bele koopera ho setór privadu hosi rai-li’ur no mós hosi rai-laran nian.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here