ASEAN University Games.Imajen/espesial

DILI, 21 juñu 2022 (TATOLI)- Jerente Ekipa futeból Timor-Leste, Fernando Baptista, informa ekipa futeból preparadu fíziku no tékniku hodi kompete iha jogu ASEAN University Games ne’ebé sei realiza fulan oin iha Tailándia.

“Lista selesaun ante ne’e totál na’in-50, maibé ita tais ona ba na’in-18 mak sai lista final, nune’e ita sei arranka ba Tailándia tanba ita preparadu tebes,” Jerente Ekipa Futeból ne’e hateten ba Agência TATOLI iha kampu Federasaun Futeból Timor-Leste (FFTL), tersa ne’e.

Durante ne’e,  ekipa halo preparasaun iha kampU FFTL hahú tuku 07:00 dader to’o ramata hahú segunda too sesta.

Jogu ASEAN University Games ne’e halo entre nasaun hotu ne’ebé hamahan-an iha organizasaun sudeste Aziátiku ka ASEAN kompostu hosi Tailándia, Filipina, Myanmar, Vietname, Cambodia, Laos, Malázia, Singapura, Brunei, Indonézia no Timor – Leste.

Jogu ne’e sei partisipa direita hosi Universidade hotu iha nasaun ne’ebé halibuar an iha ASEAN.

Ho nune’e Timor – Leste hetan oportunidade ba modalidade neen mak sei ba partisipa mak hanesan, Atletizmu, Voliból-Praia, Xadres, Taekwondo no Futeból.

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here