Hosi:
Heriberto Soares Pedro
Xanana oh Xanana …
Ó matan fihir, fihir ba lalehan
Ó matan hateke, hateke ba loromatan
Ó matan haree, haree ba futuru ne’ebé naruk
Ó imajinasaun ne’ebé dook tebes
Ó hanoin ne’ebé aas tebes
Ó tilun be rona halerik “ina-lou”
Ó fuan be hakmatek bainhira ó fó ksolok ne’e
Ba ó povu Maubere oan.
Xanana oh Xanana…
Ó liman ka’er
Ó ain hakat
Ó isin sanak
Sanak ne’ebé tebar…
No tahan ne’ebé mahar…
Ó saran ó-an ba ó povu ki’ik no mukit.
Xanana oh Xanana…
Ó matan-ween sala laek hakuruk an hodi habokon ó hasan
Ó ibun mamar hodi dehan ba povu
“Ha’u sei hamutuk ho imi to’o ha’u raan turuk ne’e maran”.
Xanana oh Xanana…
Ó naran lulik
Ó rain lulik
Ó lisan lulik
Ó lulik basuk ami-nian
Ami Timor-nain
Ramelau, Kablaki no Matebian
Ó hasan iha ó kabaas no hodi la’o hale’u Timor
Hodi halibur ami povu Maubere-oan no dehan nafatin
“Mate ka moris Timor-oan Maubere-oan”
Hun ida, lisan ida, ita Maubere-oan!
Tasi mane nia siak, ó mak na’in ba oh Xanana…
Tasi feto nia domin, ó-na’in ba domin oh Xanana…
Rai lakan ne’ebé tarutu, tarutu hodi dehan
“Ó manu aman mutin Timor nian, mane siak basuk”
Ó lian kadi ami ho espíritu moris
Ó dadolin hafanun ami hodi hadomi Timor
Ó ai-riin inan Timor nian…
Ó ami-nia riku soin.
Ami otas nurak nafatin hewai ó
No nafatin hakilar ba mundu
Ó mak Xanana…
Ó mak Xanana…
Ó mak Xanana ba Timor!
Ami hadomi ó Xanana!
Filipina, 20 juñu 2022
Furak tebes👏Hori Uluk,Hori Wain Avo Nana is The Best❤️🤏
Isto e um poema ou uma biblia?
Avo Nana metin ina Ami fun💪😍
Bele muda poezia nia titulo ba: “Povo Timor oh Povo Timor”?