Profesór hosi ensinu sekundária desimu-siklu primeiru-anu tuir formasaun matéria sosiolojia durante loron-lima iha Baucau. Imajen Tatoli/Natalino Belo.

BAUCAU, 20 juñu 2022 (TATOLI) – Profesór na’in-45 hosi munisípiu 12 no Rejiaun Administrativa Espesiál Oécusse Ambeno (RAEOA) hosi ensinu sekundária désimu-siklu tuir formasaun matéria Sosiolojia iha munisípiu Baucau.

Ministru Edukasaun Juventude no Desportu, Armindo Maia, hateten, Baucau hahú abertura formasaun profesór sosiolojia ensinu sekundária désimu-siklu primeiru-anu durante loron-lima, enkuantu iha Manufahi, Dili, RAEOA no Bobonaro realiza mos formasaun matéria istoria no sidadania.

“Ita espera katak koñesimentu ne’ebé mestri sira hetan iha-ne’e bele partilla fali ba estudante sira maibé edukasaun ohin loron materia ne’ebé fó 100% ona maibé oinsá bele insentiva estudante sira rasik bele buka koñesimentu,” Ministru Edukasaun Juventude no Desportu hateten bainhira abertura formasaun profesór iha Vila Nova, segunda ne’e.

Gorvernante ne’e konsidera, matéria sosiolojia importante tanba timor iha sosiedade orientál moris ho karáter sosiál hanesan uma nakloke ba ema hotu no liga viziñu sira.

Armindo Maia apela ba profesór sira atu asesu ba livru bazea ba realidade sosiál ne’ebé daudaun ne’e akontese hanesan mosu konflitu entre grupu joventude sira tanba hola parte iha sosiolojia.

“Ha’u husu atu mestre sira tenke atualiza aan, ohin loron hotu-hotu bele asesu internete, alunu barak mak iha koñesimentu matéria hosi internete liu mestre sira,” Armindo Maia akresenta.

Superintedente Edukasaun Munisípiu Baucau, Celestino Simões hateten formasaun profesór importante tanba atu hasa’e koñesimentu bazea ba evolusaun siénsia.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here