Diretór Estabelesementu Prizaun Becora, João Domingos.Imajen/Antonio Dasiparu

DILI, 20 juñu 2022 (TATOLI)- Diretór Estabelesementu Prizaun Becora, João Domingos, informa daudaun ne’e enfrenta rekursu umanu liuliu guarda prizaun no transporte hodi fasilita funsionamentu serbisu instituisaun ne’e.

“Ha’u bele dehan ita falta rekursu umanu tanba guarda prizioneiru balun mate, balun agora prepara ba reforma no balun kondisaun moras hela. Nune’e ita presiza halo rekrutamentu,” Diretór Prizaun Becora ne’e ba jornalista sira iha Prizasaun Becora, segunda ne’e.

Notísia relevante:  Prizaun Becora rejistu kazu omisidíu hamutuk 40

Nune’e, Diresaun Nasionál Reinsersaun Sosiál, Ministeriu Justisa iha ona planu sei halo tan rekrutamentu tan ba guarda prizioneiru nain-100.

“Ha’u la hatene atu rekrutamentu ne’e tinan ida ne’e ka tinan oin, maibé hau rona ona  katak Diresaun Nasionál  Reinsersaun Sosiál, Ministeriu Justisa iha ona planu atu halo rekrutamentu,” Diretór Prizaun Becora, João Domingos informa.

Daudaun ne’e,Guarda Prizioneiru iha Becora hamutuk nain-131, kompostu feto na’in-11 no restante mane mak dominante.

Kona-ba transporte nian, Responsavél ne’e, informa veíkulu selula ne’ebé maka durante ne’e tula dadur ba tuir julgamentu iha Tribunál Distritál Dili (TDD) no transporta prizoneiru ba Prizaun Gleno-Ermera, rua mak avaria ona no hela de’it ida maka funsiona.

“Husu ba Diresaun Nasionál Reinsersaun Sosiál, Ministeriu Justisa (MJ) atu halo manutensaun lalais ba karreta rua ne’ebé maka agora dadaun  avaria hela ne’e. Atu nune’e ajuda lori prizioneiru sira ba tuir julgamentu no transporta prizioneiru sira ba prizaun Gleno,” responsavél ne’e rekomenda.

Notísia relevante:  Dadur 25 iha Prizaun Becora re-íntegra ba sosiedade

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here