Prezidente Parlamentu Nasionál, Aniceto Longuinhos Guterres Lopes, akompañadu hosi membru meza PN hato’o felisitasaun ba Arsebispu Arkidiozese Metropolitana Dili, Don Virgílio do Carmo, SDB, ne’e Papa Francisco nomea sai kardeál dahuluk ba uma kreda Timor-Leste nian. Imajen Tatoli/António Daciparu.

DILI, 20 juñu 2022 (TATOLI)—Prezidente Parlamentu Nasionál, Aniceto Longuinhos Guterres Lopes, akompañadu hosi memnbru meza PN, segunda ne’e, hato’o felisitasaun ba Arsebispu Arkidiozese Metropolitana Dili, Don Virgílio do Carmo, SDB, ne’ebé Papa Francisco nomea atu sai Kardeál dahuluk uma kreda Timor-Leste nian.

Notísia Relevante: PN aprova votu kongratulasaun ba Don Virgílio atu sai Kardeál dahuluk

Prezidente Parlamentu Nasionál, Aniceto Longuinhos Guterres Lopes, akompañadu hosi membru meza PN hato’o felisitasaun ba Arsebispu Arkidiozese Metropolitana Dili, Don Virgílio do Carmo, SDB, ne’e Papa Francisco nomea sai kardeál dahuluk ba uma kreda Timor-Leste nian. Imajen Tatoli/António Daciparu.

“Ohin, hosi memru meza Parlamentu Nasionál mai lori PN nia naran mai kumprimenta hodi hato’o ofisialmente direita kongratulasaun no felisitasaun ba Arsebispu Don Virgílio ne’ebé Amu Papa nomea sai Kardeál dahuluk Timor-Leste nian,” Prezidente Parlamentu Nasionál, Aniceto Guterres, hateten ba jornalista sira hafoin kumprimenta Dom Virgílio iha Kámara Eklesiástika Arkidiozese Metropolitania Dili, iha Lecidere.

PN mós liuhosi reuniaun plenária iha loron 30 fulan maiu liubá hato’o ona votu kongratulasaun ba Don Virgílio do Carmo.

Nune’e iha bibán ne’e, Prezidente Parlamentu Nasionál entrega mós rezolusaun votu Parlamentu Nasionál (PN) nian ba Arsebispu.

Lidér Segundu órgaun soberania ne’e, hateten PN hanesan órgaun polítika no reprezenta povu tomak ne’ebé povu Timor-Leste maiória katólika sente kontente no orgullu ho nomeasaun Amu Papa nian ba bispu timor-oan ida hetan nomeasaun sai Kardeál.

Tuir nia, papél igreja importante tebes entaun Estadu ho igreja sempre la’o hamutuk.

Arsebispu Aekidioseze Metropolitana Dili, Don Virgílio do Carmo, apresia no agradese ba  iha PN hato’o votu kongratulasaun ne’ebé fó ba nia-parte iha loron ne’ebé Amu Papa nomea ba kardeál iha  29 maiu  kalan no iha loron  30  maiu fó kedas votu kongratulasaun  aprova ho unanimidade.

“Ida-ne’e hatudu duni ksolok povu uma kreda Timor-Leste manifesta liuhosi ita-nia reprezentante povu iha uma fukun Parlamentu Nasionál, ida ne’e ksolok ita hotu nian,” nia hateten.

Tuir planu, iha loron 22 fulan-agostu tinan ne’e Don Virgílio do Carmo, sei dezloka ba Roma hodi simu pose.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here