Reprezentante Rezidente UNDP iha Timor-Leste, Munkhtuya Altangerel, simbolikamente entrega amoruk medikamentu ba Ministra Saúde, Odete Maria Freitas Belo, iha salaun SAMES Kampu Alor Dili, segunda (20/06). Imajen Tatoli/Francisco Sony

DILI,20 juñu 2022 (TATOLI)— Programa Nasaun Unida ba Dezenvolvimentu (PNUD), segunda apoia tan ekipamentu médiku esensiál no konsumuvél ba Minsitériu Saúde.

“Ohin, ami entrega ekippamentu médiku medikamentu konsumuvél ho tipu 76 no instrumentu ekipamentu médiku 42,” Reprezentante PNUD iha Timor-Leste, Munkhtuya Altangerel, afirma iha Kampu Alaór-Dili.

Reprezentante PNUD ne’e dehan, materiál médiku hirak ne’e soa iha nasaun Bélgica, Xina, Finlándia Alemanha, Índia, Itália, Japaun, Polónia, Suíça, Reinu Unidu no Estadu Unidu Amérika (EUA).

Dirijente ne’e esplika Ministériu Saúde mak aloka millaun $6,3 ba PNUD hodi halo akizasaun ba madikamentu no ekipamentu saúde hirak ne’e.

Iha biban hanesan, Ministra Saúde, Odete Maria Freitas Belo, hato’o agradese ba parseiru PNUD tanba bele halo akizasaun ba medikamentu no ekipamentu médiku ho tipu 118 atubele ajuda fasilidade saúde territóriu nasionál no ospitál sira ne’eb’e estoke hahú menus ona.

“Orsamentu ne’ebé mak ita fó ba parseiru UNDP atu halo akizasaun ekipamentu médiku ne’e orsamentu Estadu nian, maibé apoiu kontrata mai husi Servisu Autonómu Medikamentu no Ekipamentu Saúde (SAMES) ba atividade aprovizionamentu,” nia afirma.

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here