Sekertáriu Jerál Partidu FRETILIN, Mari Alkatiri. Imajen TATOLI/Francisco Sony

OÉ-CUSSE, 18 juñu 2022 (TATOLI) – Koordenadór Plataforma Entendimentu VIII Konstitusionál, Mari Alkatiri, sei ko’alia ho Primeiru Ministru (PM) Taur Matan Ruak, hodi hadi’a mekanizmu joven ba serbisu iha rai-li’ur.

Eis Primeiru Ministru ne’e preokupa tebes ho situasaun joven sira oras ne’e tanba joven barak hakarak ba serbisu iha rai-li’ur tanba dezesperu frustasaun, tanba ne’e Governu no Estadu tenke tau atensaun ba ida-ne’e.

“Maibé, prontu ha’u hanesan koordenadór plataforma, agora Primeiru Ministru mós iha rai-li’ur ba halo tratamentu, ha’u fó ideia, ha’u la halo intervensaun, ha’u fó apiniaun no fó ideia,”  Mari Alkatiri ko’alia asuntu bainhira sai oradór prinsipál iha selebrasaun aniversáriu RAEOA-ZEESM, sábadu ne’e.

“Klaru sira ba serbisu iha rai-li’ur, haruka sasán mai família no kontribui reseita ba kofre Estadu muito bem, maibé sira bá ho vontade própriu, agora ba tanba sira la hetan ona esperansa ba prosesu konstrusaun Estadu Timor-Leste, ne’e komplikadu tebes,” Eis Prezidente RAEOA ne’e hateten.

Nune’e, nu’udar koordenadór plataforma ba VIII Governu Konstitusionál, sei hato’o sujestaun ba Governu, la’os ho intervensaun maibé sei kontribui ideia nune’e fó solusaun di’ak ba joven sira atu serbisu iha rai-li’ur.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here