Servisu Saúde Munisípiu Covalima, Maria Fatima Moniz. Imajen Tatoli/Celestina Teles.

COVALIMA, 17 juñu 2022 (TATOLI)–Diretora Servisu Saúde Munisípiu Covalima, Maria Fátima Moniz, informa imunizasaun vasina Pfizer doze dahuluk no doze daruak ba labarik sira ho idade 12 no menus hosi 18 iha Covalima ne’e atinje ona 87%.

Notísia Relevante: Vasina Pfizer doze dahuluk iha Covalima atinje ona 78%

“Dadus iha loron 16 fulan-juñu ne’e, imunizasaun vasina Pfizer ba labarik sira iha Covalima ne’e, ita atinje ona 87% no ekivalente ba númeru hamutuk 6,761, ba doze daruak   ita atinji ona 59% ekivalente ba númeru 4,700,” Maria Fátima Moniz relata ba Agência Tatoli,iha nia knar fatin, Camanasa, Covalima, sesta ne’e.

Tanba ne’e, pesoál saúde sira iha postu administrativu hitu (7) iha munisípiu Covalima, kontinua halo imunizasaun vasina ba estudante sira ho idade 12 no menus hosi idade 18, tanba seidauk atinje 100%.

Durante ne’e pesoál saúde sira kobre ona eskola alvu 30-resin ho totál alvu estudante hamutuk na’in-7,734, nune’e, imunizasaun vasina pfrizer iha Covalima seidauk atinje 100% maibé sidadaun hotu tenke kontinua habelar informasaun ba inan-aman sira atu oan sira-ne’ebé ho idade 12 menus hosi 18 ne’e, atu bele mai simu vasina Pfizer.

“Ha’u husu ita hotu habelar informasaun ba inan-aman atu fó hatene ba oan sira ho idade 12 no menus hosi idade 18 atu sira mai simu imunizasaun vasina Pfizer hodi bele kontra no kombate moras COVID-19,” nia dehan.

Bazea númeru vasina iha munisípiu Covalima seidauk atinje 100% maibé doze dahuluk foin atinji 87% ba doze daruak foin atinje 59%.

Nia dehan, estoke vasina iha armajen servisu saúde munisípiu Covalima horisehik foin simu vasina hosi SAMES mai iha Covalima vial 587 tanba kada fulan servisu saúde halo rekizasaun bazea númeru estudante sira.

Notísia Relevante: Austrália-UNICEF oferese tan vasina Pfizer doze 149,760 ba Timor-Leste

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here