Traballdór ida piñeira hela rai-henek,hodi prepara atu cor slop sinta leten oha EBF 12 abril Março, suku Meligo, postu administrativu Cailaco, munisípiu Bobonaro. Imajen Tatoli/Sérgio da Cruz.

BOBONARO, 17 juñu 2022 (TATOLI) – Projetu sala aula neen iha Ensinu Báziku Filiál (EBF) 12 de Abríl Marco, ne’ebé lokaliza iha suku Meligo, postu administrativu Cailaco, munisípiu Bobonaro atinje ona 25%.

Ministériu Edukasaun, Juventude no Desportu (MEJD) entrega obra ne’e liuhosi Projetu Konstrusaun no Reablitasaun Infraestrutura Eskolár (PKRIE) tinan 2022 nian ho karáter komuntária. Projetu ne’e ho durasaun fulan-neen no totál orsamentu $152,721,41.

Notísia Relevante: Klima difikulta implementasaun PKRE hitu iha Bobonaro

Prezidente Grupu Komunitária, Alfredo Marais, esplika, projetu ne’e hahú implementa iha loron 02 fulan-fevereiru no daudaun ne’e to’o ona faze atu cor slop leten.

Prezidente Grupu Komuntária, Alfredo Marais, ne’ebé lidera grupu ba konstrsaun EBF 12 de Abríl Marco, postu administrativu Cailaco, munisípiu Bobonaro. Imajen Tatoli/Sérgio da Cruz.

“Ami enkontru ona tékniku sira no tékniku sira hatete agora to’o ona 25% tanba ne’e mak ha’u nu’udar xefe grupu no koordenadór eskola sente orgullu ba governu tanba bele tau matan ba eskola ida-ne’e, ami sente di’ak ona tanba ne’e remata aula bele dehan sufisiente ona akumula estudante barak,” nia informa ba Agência Tatoli, iha kna’ar fatin, Meligo, Caicalo, sesta ne’e.

Eskola Báziku Filiál ne’e harii dezde tempu okupasaun Indonézia nian, maibé iha períodu ukun rasik-aan abandona hela no foin mak governu tau proridade tanba ne’e bainhira konklui obra ne’e sei akumula fali estudante sira hosi pimeiru to’o terseiru-siklu tanba eskola refere atu nakfilak ba Ensinu Báziku Sentrál (EBC, sigla portugés).

Nia haktuir, tuir loloos obra ne’e atinje ona 50%, maibé tanba momentu traballadór sira foin ke’e rai-ku’ak atu harii uma ne’e ninia aliserse hasoru kedas kondisaun klima ladi’ak tanba akontese udan-boot halo bee nakonu iha rai-ku’ak.

“Ho ida-ne’e mak projetu ne’e foin la’o fali, agora ami foin hahú loloos fulan rua nia laran, konforme kontratu ne’e ami asina nia durasaun fulan-neen de’it, maibé ami garante katak ba oin ne’e sei aselera serbisu tanba agora bailoron ona,” nia hateten.

Dezde implementa obra ne’e iha fulan-fevereiru, enjeñeiru sempre esforsu serbisu tuir dezeñu no akompana hosi enjeñeiru nasionál hosi Diresaun Nasionál Infraestrutura Edukativa (DNIE) inklui superviziona hosi Dirijente Servisu Edukasaun Munisípiu Bobonaro hodi haree progresu obra ne’e rasik.

Enkuantu MEJD prevee $2,409.512,03 iha tinan ne’e sei konstrui no reablita eskola hamutuk 21 ho sala aula 76 iha munisípiu Bobonaro ne’ebé tama iha projetu komunitária.

Tuir rekizitu grupu komuntária sira atu hahú prosesu iha faze haat, hahú hosi prosedimentu ba konstrusaun faze dahuluk eskola sira sei foti fundu 25%, faze daruak 50% depois foti tán 75% hafoin ida-ne’e mak sei kompleta 100%.

Entretantu eskola 21 iha Bobonaro ne’ebé tama projetu komunitáriu mak hanesan EPE Atu-Aben, EPE Rita-bou, EPE Holsa, Ensinu Báziku Sentrál (EBC, sigla portugés) Gumer, EBC Hauba, Ensinu Báziku Filiál (EBF) Dilai.

Nune’e mós EBF Kota Boot, EBF Mazop, EBF Odelgomo, EBF Oplegul, EBF Boloi, EBF Cara-bau, EBF Ana-pal, EBF Maliubu, EBF Ferik Katuas, EBF Molop-Taz, EBF Opa Vila, EBF Halekou,  EBF Rairobo, ESJ Númeru I Maliana no  EBF 12 Abríl Março.

Notísia Relevante: Grupu komunitária hahú implementa konstrusaun EBF Oplegul

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here