Xefe Sentru Saúde Cailaco, Delfin Bere. Imajen Tatoli/Sérgio da Cruz.

BOBONARO, 17 juñu 2022 (TATOLI) – Xefe sentru Saude Cailaco, munisípiu Bobonaro, Delfin Bere, informa estudante sira hosi idade 12 ba to’o 17 iha postu administrativu  nee 90% mak kompleta ona doze vasina tipu Pfizer hodi aumenta imunidade isin luta kontra pandemia Covid-19.

Nia dehan, estudante alvu iha Cailaco ne’ebé enumera hamutuk na’in-930, mai hosi Ensinu Bazíku  Sentrál (EBC, sigla portugés) Samutaben, suku Manapa na’in-274, EBC Marco suku Meligo 36, EBC Biadila 293, EBC Mumela suku Atudara 34, EBC Purugua 172, EBC Raiheu 25 no EBC Bilimau na’in 96.

“Ita-nia estudante sira  primeira doze mak susar oituan, tanba ladún sosializa ho másimu, maibé depois ida-ne’e ami habelar tán informasaun, balu na’in buka rasik deit ne’e mak maioria  90% ne’e simu ona vasina doze primeiru no segundu, ne’e kalkulasaun ein-jerál hosi estudante sira-ne’ebé tama alvu,” nia informa ba Tatoli, iha kna’ar-fatin, Cailaco, sesta ne’e.

Nia Haktuir, antes implementa programa ne’e, pesoál saúde sira hahú uluk sosializa tama sai eskola hodi esklarese kona-bá efeitu vasina ne’e rasik hafoin i entrega karta konsientimentu ba inan-aman sira hodi deiside oan sira simu vasina maibé la ho obrigatóriu.

Nia husu ba inan-aman sira-ne’ebé seidauk deside nia oan sira simu vasina, atu hakbesik-aan ba fasilidade saúde atu simu vasina atubele proteje labarik sira hosi transmisaun inimigu Covid-19 hodi partisipa iha prosesu ensinu aprendizajen ho seguru.

Enkuantu desde implementasaun programa vasina tipu AstraZeneca doze dahuluk no daruak inklui doze Boster Pfizer iha postu administrativu Cailaco hahú hosi loron 09/04/2022 to’o loron 06/06/2022 hosi totál populasaun alvu 5,683 iha suku Atudara 1,207, Da-udu 428.

Nune’e mós Genulai 843, Manapa 1,328, Meligo 3,189,  Purugua, 878, Raiheu 643, no suku Gou-Lolo 491 totál hamutuk 9,421.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here