Administradór munisípiu Viqueque, Januário Soares ‘Bolly’. Imajen TATOLI/ Vitorino Lopes da Costa

VIQUEQUE, 17 juñu 2022 (TATOLI)—Administrasaun munisipál halo ona rekrutamentu traballadór na’in-18 hodi serbisu ba saneamentu halo limpeza iha kapitál Viqueque.

“Traballadór sira sei halo limpreza iha kapitál Viqueque laran, esgotu, hamoos bee kanu laran karik iha segimentasaun sira maka kontrola. Daudaun ne’e sira kontinua halo limpeza iha estrada ninin iha kapitál munisípiu Viqueque,” Administradór munisípiu Viqueque, Januário Soares ‘Bolly’ informa ba Agência Tatoli, iha ninia knaar fatin, sesta ne’e.

Notísia relevante: Munisípiu Viqueque tau prioridade kria fatin lixu iha tinan 2023

Nia dehan, rekrutamentu ne’e realiza iha janeiru no traballadór asina kontratu iha fevereiru 2022, daudaun sira foku halo limpeza dalan sira ne’ebé foer.

Aleinde ne’e, Administrasaun Viqueque rekruta ona traballadór sira hodi halo limpeza dalan, maibé fatin so’e lixu maka seidauk iha, komunidade hosi suku Uma-kiik fó ona rai atu soe lixu maibé estrada mak a’at.

“Ita propoin ona orsamentu iha tinan 2021 atu kria fatin lixu maibé seidauk konsidera tanba orsamentu ne’ebé aloka ba Planu Integradu Dezemvolvimentu Munisipál (PIDM) la prevee. Ita mós husu ajuda Institutu Jestaun Ekipamentu hodi loke dalan ba fatin lixu, maibé to’o agora seidauk fó resposta ruma mai munisípiu Viqueque,” nia tenik.

Jornalista  : Vitorino Lopes da Costa

Editora      :  Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here