PCIC halo aprensaun mákina slot hosi kompañia Janela moris Unipesoal, Lda. Imajen Tatoli/Celestina Teles.

COVALIMA, 15 juñu 2022 (TATOLI)–Polisia Siéntifiku Investigasaun Kriminál (PCIC, sigla portugés) halo apreensaun ba slot mákina jogu unidade 17 hosi kompañia Janela Moris, Lda, ne’ebe durante ne’e loke jogu iha aldeia Tabaco-Lot, suku Debos, postu administrativu Suai Vila, munísipiu Covalima.

PCIC ezekuta orden hosi Tribunál Distritál Suai (TDS) hodi simu mandadu buska hosi Tribunál Distritál Suai NUC $ (lc, NUCNo) 0005/22, P66CC mandadu buska domisiliária no apreensaun ba sasán Kompañia Janela Moris, Lda, krime fraude fiskál esplorasaun jogu ilicita P.P kontra artigu Nú. 314 no 322 kódigu penál.

Xefe Seksaun Prevensaun Kriminál, Floriano Guterres Serano, informa PCIC kontinua halo mandadu buska ba Kompañia Janela Moris, Lda, tanba kompañia komete krime fraude fiskál esplorasaun jogu ilicita P.P.

“Ami kontinua ezekuta mandadu buska ba Kompañia Janela Moris, Lda, ne’ebe loke jogu iha Suai. Ami hetan mandadu buska ba iha Kompañia ne’ebé ohin loron ami ezekuta,” Floriano Guterres Serano hateten ba jornalista sira iha Ministériu Públiku Suai hafoin ramata halo buska ba Kompañia Janela Moris, Lda, kuarta ne’e.

PCIC halo aprensaun mákina slot hosi kompañia Janela moris Unipesoal, Lda. Imajen/Espesiál.

Molok PCIC halo buska ba mákina jogu unidade 17 iha munisípiu Covalima, PCIC halo apreensaun uluk ona iha munisípiu Baucau hodi halo apreensaun ba mákina jogu sloot no ohin kontinuasaun halo buska iha Suai tanba ne’e area teritoriu juridiku ba Tribunál Suai nian.

Tribunal Distritál Suai emite mandadu buska ba iha PCIC hodi ezekuta mak ohin loron PCIC konsege hao apreensaun ba mákina sira-ne’ebe mak lori ona mai tau iha Ministériu Públiku Suai hamutuk iha makina slot unidade 17.

Antes ne’e fó ona sxamada atensaun ba kompañia hosi inspesaun Jerál Jogu, hosi polisia dada ona segel ba fatin ida-ne’e maibé atividade jogu kontinua la’o entaun Ministériu Públiku (MP) promove atu halo buska entrega ba iha PCIC, hafoin buska kontinua kedas sobu mákina sira hodi transporta mai iha edifísiu Ministériu Públiku Suai.

Mandadu buska Domisiliária halo apreensaun ba sasán, Tribunal Distritál Suai fó orden atu halo buska ba iha Domisiliáriu ho posibilidade ba halo apreensaun sasán ne’ebé bele iha ligasaun ho faktu hirak ne’ebé investiga ona.

Tuir dispozisaun iha artigu Nú. 37 no 2 hosi konstituisaun RDTL iha artigu 226 no 1 alinea c, artigu 168 no 1 no artigu 170, hotu-hotu hosi K.P.P ba suspeitu Kompañia Janela Moris Unipesoal, Lda, iha nia rezidénsia.

Entretantu, na’in ba kompañia Jenela Moris Unipesoál, Lda, Adão Neto Fraga Sakunar Lemorai Timor, hateten kompañia hala’o atividade jogu iha Covalima ne’e selu arendamentu ba Estadu, nune’e kompania halo atividade ho legál.

Tanba ne’e, nia sei lori órgaun kompotente sira ba fó sasin iha tribunál hodi justifika kona-ba lisensa ne’ebé nia hetan ba atividade jogu ne’e.

“Durante hala’o atividade ne’e to’o mai iha 2022, ami selu arendamentu ba Gorvernu, ida-ne’e mak dehan illegal. Ohin mai halo ona apreensaun ba ami-nia atividade, ami mos atu lori prosesu ne’e ba tribunál, nune’e lori órgaun kompotente sira mai fó sasin iha tribunál,” nia esplika.

Tanba, nia dehan, Kompañia Janela Moris Unipesoál, Lda, hetan uluk dokumentu legál hosi Governu, molok halo atividade no durante hala’o atividade iha Suai laiha ekipa hosi Inspesaun Jogu mai halo inspesaun ba ninia atividade hodi fo hatene kona-ba k falta iha dokumentu balun ne’ebé la fó dalan atu kontinua hodi hala’o ninia atividade.

“Durante ami hala’o atividade mai to’o ohin, inpesaun jogu ida mós la mai fó hatene dehan imi falta iha dokumentu, nune’e ami kompleta dokumentu ne’e. Tanba ne’e, dokumentu ida bazea ba dekretu-lei numeru 34/2017, ida-ne’e klaru ona mak ami nia atividade ne’e loke to’o ohin loron. Ikus mai sira bazea ba inspesaun jogu sira dehan ami-nia dokumentu ne’e laiha, entaun sé mak hasai dokumentu ne’e. Loloos ne’e, Governu liuhosi SERVE mak emite dokumentu ne’e mai ami,” nia dehan.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here