Diretór Departamentu Pensaun no Subrevivente, Manuel Araújo dos Santos. Imajen TATOLI/Nelia Borges.

DILI, 15 juñu 2022 (TATOLI)–Diretór Departamentu Pensaun no Subrevivente Ministériu Asuntu Kombatente Libertasaun Nasionál (MAKLN), Manuel Araújo dos Santos, hateten ekipa verifikasaun ne’ebé verifika dadus veteranu rejistadu 2009 iha Manatuto no Liquiça sei konklui iha fulan ida-ne’e nia-laran.

Notísia Relevante:  Verifikasaun dadus veteranu rejistadu 2009 atinje ona 62%

“Verifikasaun ba dadus veteranu rejistadu 2009 iha Manatuto no Liquiça sei finaliza iha fulan ida-ne’e,” Manuel Araújo dos Santos hateten ba Agência TATOLI, via telefónika, kuarta ne’e.

Se ekipa verifikasaun konklui tan halo verifikasaun iha Manatuto no Liquiça, entaun munisípiu lima mak finaliza ona halo verifikasaun ba dadus veteranu rejistadu 2009 mak inklui Dili, Covalima no Rejiaun Administrativa Espesiál Oé-Cusse Ambeno (RAEOA) hodi hein Governu sei taka sai naran.

Nia informa, veteranu sira iha territórriu nasionál ne’ebé rejistadu iha tinan 2009 ne’e hamutuk ema na’in-124,680.

Liuhosi konteúdu ne’ebé mensiona iha Estatutu Kombatente Libertasaun Nasionál, lei nú. 3/2006, no artigu 13 ° “Registo da Qualidade de Combatente da Libertação Nacional” sei kontinua hala’o validasaun rejistu ba períodu daruak nian ba rekoñesimentu hanesan Kombatente Libertasaun Nasionál ne’ebé rejista iha tinan 2009.

Notísia Relevante: Ekipa nasionál hahú hala’o fali verifikasaun dadus veteranu rejistadu 2009

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here