Produtu Cesta Bázika faze dahuluk iha bote-laran Imajen Tatoli/Antónia Gusmão

DILI, 15 juñu 2022 (TATOLI)—Xefe Suku Caicoli, postu administrativu Na’in Feto, munisípiu Dili, Hipólito Marques Ximenes, hateten preparasaun ba Cesta Bázika faze daruak ne’e, suku Caicoli simu ona fixa família foun hamutuk 50-resin.

Notísia Relevante: Cesta Bázika faze daruak millaun $80, CCI-TL husu investe ba setór produtivu

“Sira ne’ebé forma uma-kain foun iha Suku Caicoli hamutuk 50-resin no ida-ne’e mak ami prepara hela bainhira Governu anúnsia dehan atu hatama entaun ita bele hatama,” Hipólito Marques Ximenes hateten ba Agência TATOLI, iha sede Suku Caicoli, Dili kuarta ne’e.

Programa Cesta Bázika faze daruak, Governu planea ona hodi distribui tan ai-han bázika sira maibé ida-ne’e mós depende ba Governu, entaun nia parte simu de’it fixa família ne’e hanesan preparasaun ida hodi hein desizaun hosi Governu.

Totál xefe família iha suku Caicoli hamutuk 999 ho nia aldeia lima (5) mak hanesan aldeia Sentru de Unidade, Sakoko, Foho Rai Boot no aldeia Tahu-laran.

Antes ne’e, Governu no Parlamentu Nasionál deside ona implementa Cesta Bázika ba faze daruak ho montante millaun $80 kompostu hosi millaun $40 prevee ba Sekretária Estadu Kooperativa (SEKOOP) no millaun $40 ba Ministériu Turizmu Komérsiu no Indústria (MTKI).

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here