Xefe suku Caraubalo, João Pinto. Imajen Tatoli/Vitorino Lopes da Costa

VIQUEQUE, 15 juñu 2022 (TATOLI)—Abitante hamutuk 300 iha suku Caraubalo, postu administrativu Viqueque, munisípiu Viqueque, sai benefisiáriu subsídiu idozu.

“Ita rejista idozu 300 sai benefisiáriu iha suku Caraubalo maibé balun pendente hela. Rejista foun ba tinan 2022 hamutuk na’in-45, maibé na’in-10 maka pasa hodi simu osan idozu nian,” Xefe suku Caraubalo, João Pinto, informa ba Agência Tatoli, iha sede suku Caraubalo, kuarta ne’e.

Tuir autoridade suku, rejista foun na’in-35 maka sai pendente iha sistema no dala ruma falla iha dokomunentu tanba abitante balun muda sira-nian naran iha kartaun eleitorál.

“Sistema ne’e ha’u ladun hatene benefisiáriu balun naran sai tiha, maibé orsamentu la tama , ida-ne’e parte sosiál maka hatene. Ami-nia serbisu maka submete dadus idozu nian ba sira no suku Caraubalo iha tinan 2022 dadus idozu inválidu hamutuk na’in-lima maka aprezenta ona ba sosiál,” nia akresenta.

Notísia relevante: INSS prontu implementa subsídiu idozu $50 ne’ebé PR promulga ona

Kada fulan-neen halo pagamentu ba idozu sira, maibé iha tinan ida-ne’e autoridade lokál seidauk simu oráriu pagamentu hosi Banku Nasionál Komérsiu Timor-Leste (BNCTL, sigla portugés).

“Iha tinan ida-ne’e ita-nia Governu aumenta subsídu ba idozu  kada fulan $50, nune’e fulan-neen sira simu $300, kompara uluk kada fulan ida $30, fulan-neen sira simu $180. Ita agradese ba Governu ne’ebé fasilita ita-nia komunidade,” nia hato’o.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here