Ministru Ensinu Superiór Siénsia no Kultura, Longuinhos dos Santos. Imajen Tatoli/Francisco Sony

DILI, 14 juñu 2022 (TATOLI)–Ministru Ensinu Superiór Siénsia no Kultura (MESSK), Longuinhos dos Santos, promete iha tinan 2023 sei re-embolsa fali Universidade Nasionál Timor-Lorosa’e (UNTL) nia osan ho montante millaun $1,116 ne’ebé antes ne’e hasai ona hodi apoiu nesesidade durante kalamidade iha loron 04 abril 2021.

“Ita hanoin ona sei koloka orsamentu UNTL ne’ebé antes ne’e sira sofre iha kalamidade ne’e atu tau fali iha Orsamentu Jerál Estadu (OJE) 2023, tanba tinan 2022 la konsege prevee, posibilidade bele tau fali iha tinan oin,” Ministru informa iha Ministériu Finansa, Aitarak-laran, tersa ne’e.

Notísia relevante: Governu halo esforsu rekupera estragu infraestrutura públiku impaktu hosi kalamidade

Ministru dehan, nia parte prontu defende iha prosesu tomak, liuliu iha reuniaun Konsellu Ministru no Komité Revizaun Orsamentu Polítika tanba UNTL nian orsamentu sei utiliza atu halo dezenvolvimentu ba UNTL.

Nune’e mós, Reitór UNTL, João Soares Martins, hateten, tinan 2021 bainhira atu responde apoiu dezastre naturál, UNTL ko’a millaun $1 resin no Governu promete atu re-embolsa hikas fali maibé la konsege tau iha OJE 2022.

“Ami ezije nafatin ba Governu atu re-embolsa filafali osan atu ami bele deside halo konstrusaun ba sala aula,” nia tenik.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here