Atrasaun kulturál ne’ebé kavaleiru sira ho kuda tuda sanan-rai ne’ebé tau osan iha laran. Imajen/Mídia PR.

DILI, 13 juñu 2022 (TATOLI)—Prezidente Repúblika (PR), José Ramos Horta, hateten selebrasaun loron mahein parókia Santu António Manatuto iha nia sentidu relijiaun no kultura ne’ebé bainhira dezenvolve didi’ak sei sai turizmu atrativu hodi dada turista sira hosi rai seluk bele mai vizita Timor-Leste.

Notísia Relevante: PR Horta hakslok selebra loron mahein Santu António ho Manatuto-oan

“Festa Koronel Santu António kada tinan ne’ebé Manatuto oan rasik, Dili no inklui fatin sira seluk mai iha ne’e tuir festa relijiozu no kultura, nune’e bainhira ita dezenvolve didi’ak sei sai turizmu atrativu,” Ramos Horta hateten ba jornalista sira iha Kampu Futebol besik areadór igreja parókia Manatuto Vila, segunda ne’e.

Atrasaun kulturál ne’ebé kavaleiru sira ho kuda tuda sanan-rai ne’ebé tau osan iha laran. Imajen/Mídia PR.

Iha ambitu selebrasaun loron mahein Santu António ne’e hala’o mós atrasaun kulturál ne’ebé kavaleiru sira ho kuda mak tuda sanan-rai ne’ebé tau osan iha laran, no sira-ne’ebé sai vensedór hetan mós prémiu osan ne’ebé komisaun organizadora prepara.

Iha selebrasaun loron Mahein Santu António tinan ne’e, Prezidensia Repúblika, parseiru, autoridade munisípiu, sarani Manatuto, ema individual fó apoiu orsamentu no materiál hodi bele realiza atividade relijiozu no kulturál ne’e.

“Prezidensia Repúblika no parseiru oioin tinan ne’e fó apoiu ba festa ne’e motiva komunidade hodi hametin no haboot nafatin selebrasaun ne’e kada tinan iha Manatuto,” nia dehan.

Nia dehan, ho apoiou ida-ne’e mak bele promove turizmu relizioju no kulturál iha munisípiu ne’e hodi dada turista no ema estranjeiru sira bele mai vizita rai Manatuto.

Notísia Relevante: Sarani Manatuto-oan banati St. António hodi haklaken Maromak Nia domin

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here