Prezidente Repúlika José Ramos Horta. Imajen Tatoli/Francisco Sony.

DILI, 13 juñu 2022 (TATOLI)—Prezidente Repúblika (PR), José Ramos Horta, husu Tribunál Rekursu (TR) atu revee lei kona-ba Orsamentu Retifikativu 2022, tanba ida-ne’e nu’udar parte ida hosi prosesu demokrátiku atu asegura funsionamentu normál no saudável ba nasaun nia instituisaun sira.

Notísia Relevante: PR Horta promulga lei kona-ba Planu Opsaun Boot ba tinan 2023

“Ha’u sei husu Tribunál Rekursu atu revee lei kona-ba Orsamentu Retifikativu,” Prezidente Repúblika, José Ramos Horta, hatetem kestaun ne’e liuhosi komunikadu imprensa ne’ebé Agência tatoli asesu, segunda ne’e.

PR kestiona lei sira-ne’ebé hamosu dúvida, husu konsiderasaun tuir dalan imparsiál, liuhosi juiz sira iha Tribunál Rekursu, sai hanesan dalan ida tuir nia kompeténsia sira, ne’ebé fó fatin ba Prezidente atu hala’o nia funsaun nu’udar garantiadór ba legalidade konstitusionál, no Tribunál Rekursu iha kompeténsia eskluziva atu desidi kona-ba konstitusionalidade lei sira-nian.

Se tuir nia avaliasaun, Tribunál Rekursu konsidera katak iha iregularidade konstitusionál sira relasiona ho alokasaun fundu hirak-ne’e, akordaun ne’e sei nesesariamente ezije emenda ba Planu Opsaun Boot sira ba tinan 2023, no nune’e PR laiha objesaun ba nia promulgasaun.

Razaun PR horta husu Tribunál Rekursu revee lei kona-ba Orsamentu Retifikativu ne’e, tanba PR iha knar atu atua nu’udar mahein ida ba Konstituisaun, nu’udar protetór ba demokrásia no mós ba Estadu Direitu, no atu asegura tuir limitasaun sira lei nian, respeitu no kumprimentu ba regra konstitusionál sira.

Tanba bainhira PR promulga lei ida-ne’e, nia haree katak iha aspektu balu hosi Governu nia planu ne’ebé tuir Prezidente ladún konfortável liu-liu montante orsamentu ne’ebé aloka ba Fundu veteranu nasionál.

“Hosi orsamentu planeadu totál ho montante $3,155,715.306 ba tinan 2023, $1,000,000.000 aloka tiha ona ba estabelesimentu Fundu Veteranu Nasionál. Ha’u ta’uk katak alokasaun ba fundu ida-ne’e la ekuitavel ka proporsionál. Talvés esplikasaun ida ne’ebé detalladu liután kona-ba estratejia ba aplikasaun Fundu ida-ne’e bele halo ita-nia sosiedade no ha’u rasik laran hakmatek,” nia dehan.

Nia parte laiha dúvida tanba veteranu sira sakrifika nia an hodi luta Tirmor-Leste nia idnependénsia, maibé ida-ne’e la signifika katak alokasaun orsamentu ba sira iha Orsamentu Retifikativu foin lalais ne’e apropriadu atu realiza saída mak Governu hakarak atu halo hodi hamenus ka kombate mukit iha iha Timor-Leste.

Tuir Horta, fó 90% hosi Orsamentu Retifikativu totál atu ajuda 1,75% hosi populasaun tomak parese tuir PR nia haree hanesan la justu no la ekuitavel, nune’e mós buat ne’e parese la adaptada atu realiza objetivu ne’ebé deklaradu atu ajuda membru populasaun sira-ne’ebé afetadu tiha ona, no loro-loron afetadu ho makaas liuhotu hosi efeitu sira dezastre naturál nian no situasaun ekonomia globál atuál.

“Ha’u fiar katak alokasaun ne’e ninia foku loloos tenke buka atu ajuda ema sira-ne’e, no la’ós ba grupu sidadaun espesífiku ki’ik ida, la haree ba sira-nia importánsia istórika. Ha’u fiar katak tanba sira-nia patriotizmu no knaar sira-nian istorikamente iha luta ba ita-nia ukun an no ba Timor-Leste ida-ne’ebé livre no dezenvolvidu, sira sei komprende preokuasaun hirak-ne’e. Liu-liu tanba buat ne’ebé importante liu hotu, aleinde asuntu igualdade sosiál, mak sustentabilidade ekonómiku no finanseiru ba rai ida-ne’e, ne’ebé sira-hotu hadomi no luta atu liberta,” nia hateten.

Notísia Retifikativu: PR Lú Olo promulga orsamentu retifikativu 2022

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here