Grupu defisiénsia-matan vizita líder nasionál Kay Rala Xanana Gusmão iha sentru izolamentu Vera Cruz. Imajen Tatoli/Felicidade Ximenes.

DILI, 13 juñu (TATOLI)—Diretór Interinu Asosiasaun Halibur Defisiénsia Matan Timor Leste (AHDMTL), Gabriel de Sousa, informa membru Asosiasaun Halibur Defisiénsia Matan Timor Leste na’in-31 mak asesu subsídiu invalidéz kada fulan $50 hosi Governu.

Notísia Relevante: PR promulga alterasaun dekretu-lei subsídiu apoiu ba idozu no invalidéz

Diretór Interinu ne’e hatutan, membru AHDMTL ne’ebé rejistu atu hetan direitu iha fulan neen (6) dala ida ne’e hamutuk 31 ne’ebé kompostu hosi mane na’in-15 no feto na’in-16.

“Ami-nia membru iha AHMDTL hamutuk 31 mak simu subsídiu inavlidés $50 hosi Governu, maibé ema ho defisiénsia ne’ebé ho tinan 18 ba leten mak bele simu tanba tuir idade no bazea ba kartaun eleitorál,” Gabriel de Sousa hateten ba Agência TATOLI, iha nia knar fatin Maleuana, Dili, segunda ne’e.

Nia dehan, kritéria ba ema ho defisiénsia ho idade 18 ba leten mak simu subsídiu ida-ne’e, tanba bazea ba artigu 6, mak kondisaun atribuisaun subsídiu apoiu ba invalidéz:

  1. Reconhecimento do direito ao subsídio de apoio aos invá-lidos depende de o requerente satisfazer, cumulativamente, as seguintes condições:
  1. a) Ser cidadão timorense;
  2. b) Residir em território nacional, há pelo menos um ano à data da apresentação do requerimento da pensão;
  3. c) Ter idade igual ou superior a 18 anos;
  4. d) Ser portador de condição mental ou física, de qualquer proveniência, que determine incapacidade absoluta e definitiva para exercer uma actividade laboral.

“Tanba ne’e, to’o agora ita-nia subsídiu refere ne’e ba ema ho defisiénsia ho idade 18 ba leten no mai kraik labele simu maibé ho ida-ne’e mós seidauk sufisiente ba ita-nia maluk defisiénsia tanba ita sura loron ida han dolar ida ($1),” nia dehan.

Dekreitu lei nú 19/2008, subsídiu apoiu ba idozu no invalidéz no iha konstituisaun artigu 56 hateten, sidadaun sira hotu iha direitu ba seguransa no asisténsia sosiál. Direitu ida-ne’e atu reforsa artigu 20 no 21 ne’ebé hateten tenke respeita no konsidera sidadaun ne’ebé mak idade avansadu ona no ba ema ho defisiénsia sira.

Jornalista  : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here