Diretór Nasionál Empregu Exteriór SEFOPE, Filomeno Soares. Imajen Tatoli/Francisco Sony

DILI, 13 juñu 2022 (TATOLI)—Sekretaria Estadu Formasaun Profisionál no Empregu (SEFOPE) liuhosi Diresaun Nasionál Empregu Exteriór realiza Pre-Departure Briefing (PDB) ba kandidatu traballadór na’in-50 ne’ebé atu ba serbisu iha Austrália liuhosi programa Pacific Australia Labour Mobility (PALM).

Diretór Diresaun Nasionál Empregu Exteriór, Filomeno Soares, hateten, objetivu realiza atividade ne’e atu informa kritéria, kultura, no regulamentu balun iha Austrália tanba natureza serbisu iha Austrália la hanesan ho nasaun Timor-Leste.

“Ha’u enkoraja traballadór sira, karik iha tempu badak hetan oportunidade ba serbisu iha Austrália, atu hatudu prestasaun serbisu di’ak, labele ses-an hosi sistema tanba daudaun ne’e timor-oan iha Austrália na’in-300 resin mak ses ona hosi sistema,” Diretór informa iha salaun STVJ Camea, Becora, segunda ne’e.

Notísia relevante: Traballadór timor-oan 333 sai hosi sistema Austrália

Nia mós husu traballadór sira atu hatudu komportamentu di’ak, nune’e empregadór sira iha Austrália bele emprega tan joven timor-oan barak ne’ebé hein hela oportunidade serbisu.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here