Inspetòr Tabalu Regionál, Gabriel Gusmão. Imajen Tatoli/Celestina Teles.

COVALIMA, 13 juñu 2022 (TATOLI)–Inspesaun Jerál Traballu (IJT) Covalima simu keixa haat hosi traballadór sira hanesan kontratu traballu, servisu liu oras (over time), lisensa anuál no autorizasaun traballu ba sidadaun estranjeiru.

“Ami-nia vizita inspesaun iha indútria no kompañia estabesimentu simu kazu sira mak hanesan kazu kontratu traballu, over time, lisensa anuál no kazu dokumentu estranjeiru hanesan autorizasaun traballu ba sidadaun estranjeiru sira, ida-ne’e mak barakliu iha ami-nia vizita iha inpesaun,” Inspetór Traballu Regionál Covalima, Gabriel Gusmão, informa ba Agência Tatoli, iha nia knar fatin, Bairru Costa, segunda ne’e.

IJT simu keixa hosi traballadór sira-ne’e, bainhira inspesaun jerál traballu halo inspesaun  ba kondisaun traballu iha área saúde no serguransa traballu ba  trabaldór sira iha Covalima hodi  hato’o keixa maibé keixa sira-ne’e IJT  rezolve ona.

Tanba baze dadus tinan fiskál 2021 ne’e, IJT rejista traballadór 264 ne’ebé kompostu hosi mane 199 no feto 65. Iha tinan 2022, IJT rejista traballador 137 ne’ebé kompostu hosi mane 97 no feto 40 ne’ebé servisu iha varias indústria hanesan iha restaurante, loja, konstrusaun no seluk tán.

Aleinde iha tinan fiskál 2021, iha tinan fiskál 2022 iha fulan-jJaneiru to’o maiu ne’e IJT rejista kazu ida kona-ba autorizasaun traballu ba ema sidadaun estranjeiru sira.

“Fulan-janeiru to’o maiu ne’e, IJT rejista kazu ida de’it kona-ba autorizasaun traballu ba sidadaun estranjeitu sira ami foti medida hodi aplika multa ba sidadaun ne’ebe nia kartaun invalidu hodi kumpre lei traballu,” nia dehan.

Ho nune’e, IJT aplika sansaun koima hamutuk $1000-resin kompañia  ne’ebé emprega traballadór estranjeiru hodi selu direitu iha banku nasionasionál ultramarine (BNU), IJT hasai de’it termu identifikasaun.

“Ami hasai termu identifikasaun auto notísia entrega dokumentu multa labalorál ba sira hodi halo pagamentu iha BNU ba kofre Estadu,” nia hateten.

IJT aplika koima bazea ba tipu kazu sira hanesan kontratu lisensa anuál, over time, ne’ebé aplika koima laborál hanesan de’it mak mínimu 200 no másimu 1,150.

Jornalista : Celestina Teles                                

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here