INDDICA hamutuk ho CARE International, Plan International, UNICEF no Prezidénsia Repúblika, realiza eventu kompetisaun pintura ba labarik ki’ik sira iha Dili hodi komora loron internasionál labarik. Imajen Tatoli/Natalino Costa.

DILI, 11 juñu 2022 (TATOLI) – Institutu Defeza ba Direitu Labarik (INDDICA, sigla portugés) hamutuk parseiru sira realiza kompetisaun pintura ba labarik sira, hodi hasa’e koñesimentu labarik sira iha área arte nian.

INDICA serbisu hamutuk ho CARE International, Plan Intenational,  UNICEF no Prezidénsia Repúblika, realiza eventu kompetisaun ne’e ba labarik sira.

“Hodi hasa’e sira-nia koñesimentu iha área arte nian, eventu ida- ne’e nu’udar kontinuasaun komemorasaun loron internasionál labarik nian, ne’ebé ita selebra ona iha Lospalos. Ohin ita selebra fali ho labarik sira iha Dili, atu nune’e sira mós sente katak sira mós iha loron espesiál ida bá sira,” Prezidente INDDICA Dinorah Granaderio, ba jornalista sira iha Palásiu Prezidensiál Bairru-Pité, sábadu ne’e.

Nia dehan, iha eventu kompetetisaun pintura ba larabik, partisipa hosi  labarik hamutuk 200-resin.

“Eventu kompetisaun pintura ida-ne’e, ita fahe ba kategoria rua, labarik hosi tinan haat (4) to’o tinan hitu (7), ita la fó tema ba sira. Sira bele dezeña saida de’it maka sira hakarak, enkuantu labarik sira hosi tinan ualu (8) to’o tinan sanulu resin rua (12) ita fó tema loron direitu labarik hodi sira bele dezeña tuir ka espresa tuir ida-ne’e,” Dinorah Granaderio haktuir.

Prezidente INDDIKA ne’e informa, hosi eventu ne’e rasik, ba sira primeiru lugár to’o kuartu lugár sei hetan prémiu biskileta ida, enkuantu  sira-ne’ebé  la sai vensedór, sira mós hetan prémiu ne’ebé  komisaun sei atribui  ba sira.

Eventu kompetisaun pintura ba labarik sira-ne’e realiza iha uma du’ut Palásiu Prezidensiál durante loron-sorin.   

 Jonalista    : Natalino Costa

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here