Primeiru-Ministru, Taur Matan Ruak. Imajen Tatoli/Egas Cristóvão.

DILI, 09 juñu 2022 (TATOLI)—Primeiru-Ministru (PM), Taur Matan Ruak, kinta ne’e, hala’o enkontru semanál ho Prezidente Repúblika, José Ramos Horta, hodi relata servisu VIII Governu Konstituisional ne’ebé daudaun ne’e la’o hela.

Notísia Relevante: PM Taur apresia PR Horta promove diálogu ho órgaun soberania

“Ohin, ami ko’alia uitoan kona-ba atividade sira-ne’ebé iha pontu rua hanesan haree atividade Governu nian daudaun la’o hela no reuniaun ho parseiru dezenvolvimentu ne’ebé sei hala’o iha sesta (10/06) aban,” Xefe Governu ne’e hateten ba jornalista sira hafoin ramata enkontru  ho Xefe Estadu, iha Palásiu Prezidensiál Nicolau Lobato, Bairru Pite, Dili.

Atividade  Governu ne’ebé daudaun la’o ne’e hodi relata ba PR mak  ko’alia kona-ba bolsa da mãe jerasaun foun ne’ebé iha tempu oin sei lansa, ne’ebé iha ona aprezentasun hosi Vise Primeiru Ministru no Ministra Solidariedade Sosiál no Inkluzaun (MSSI), Armanda Berta, iha Konsellu Ministru.

Reuniaun ne’ebé Governu organiza sei partisipa hosi  parseiru dezenvolvimentu hosi Embaixadór, organizasaun multilaterál no sira seluk sei hala’o iha sesta (10 juñu 2022) aban hodi prepara Orsamentu Jerál Estadu ba 2023.

Nune’e, Eis Jenerál Taur Matan Ruak, agradese ba Prezidente Repúblika ne’ebé sei partisipa mós reuniaun refere.

“Ami agradese Prezidente Repúblika, aban partisipa konferénsia parseiru dezenvolvimentu,” Primeiru-Ministru ne’e hateten.

Jornalista : Nelson de Sousa

Editór        : Cancio Ximenes

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here