Ministru Justisa, Tiago Amaral Sarmento. Imajen Tatoli/Francisco Sony

DILI, 09 juñu 2022 (TATOLI)— Ministériu Justisa (MJ) liuhosi Diresaun Jerál Servisu Rejistu Notariadu (DGSRN) simu tan pedidu inskrisaun hosi kandidatu Partidu Fitun no Partidu Dezenvolvimentu Sosiál (PDS), hafoin Tribunál Rekursu indefere partidu foun rua ne’e.

“Iha Semana kotuk, Ami simu tan pedidu hosi kandidatu Partidu rua  hanesan Fitun no Partidu Dezenvolvimentu Sosiál (PDS) atu halo  inskrisaun. Agora dadaun notariadu sei halo selesaun no verifika ba dokumentu hosi partidu rua ne’e, molok haruka ba Tribunál Rekursu atu haree,” Ministru Justisa (MJ), Tiago Amaral Sarmento, hateten ba jornalista Agência TATOLI iha nia knaar fatin Colmera, kinta ne’e.

Notísia relevante:Partidu foun haat hatama pedidu inskrisaun

Tuir lei, primeira alterasaun partidu polítiku númeru 2/2016 iha artigu 13 nu’udár rekezitu ba partidu foun tenke kumpre dokumentu válidu-sira, hodi hatama ho númeru apoiante rihun 20, emblema, Bandeira no programa polítiku.

Nune’e, konservadór notariadu halo autentikasaun ba dokuemntu hotu-hotu, sei haruka fila-fali ba Ministru Justisa atu enkamiña ba Tribunál Rekursu (TR), sei haree fila-fali tán, bainhira prienxe ona rekezitu sei hetan legalidade atu rejistu, nune’e bele kompete iha eleisaun tuir-mai.

Notísia relevante: Tribunál Rekursu admite Os Verdes de Timor sai partidu polítiku

Tanba ne’e, Ministru Tiago hateten nia parte seidauk bele anúnsia buat ruma relasiona kestaun ne’e, tanba hotu sei iha hela prosesu autentifikasaun dokumentu.

“Partidu polítiku foun rua ne’e maka foin hatama nia pedidu mai Ministériu Justisa  atu  halo inskrisaun. Seidauk iha tan partidu foun balun maka atu hatama pedidu inskrisaun mai iha Ministeriu Justisa,” Governante nee afirma.

Molok ne’e, Tribunál Rekursu indefere ona partidu  Fitun no Partidu Dezenvolvimentu Sosiál tanba seidauk kumpre rekezitu sira, maibé fó bibam atbele kompleta fila-fali dokumentu ne’ebé TR husu.

Iha despaxu, Eis Ministru Justisa, Manuel Carcéres, hakerek katak iha pontu tolu ne’ebé partidu Fitun tenke prienxe fila-fali hanesan dokumentu ne’ebé mak tama liu-liu kartaun eleitorál nu’udar dokumentu komprovativu identidade apoiante partidu nian,  ne’ebé sira hatama ho númeru 20 mil itál, maibé hafoin ekipa diresaun  jerál servisu notariadu verifika la to’o rihun 20 no iha de’it  rihun18 tanba sira seluk ne’e dupla signifika ema ida nia kartaun eleitorál kopia dala rua ka tolu tanba ne’e la prienxe rekizitu.

Notísia relevante: TR husu partidu foun kompleta rekizitu hodi hetan legalizasaun

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here