Aktividade traballador sira iha Ponte Kais Dili bainhira hatuun foos hosi Ro tula ba Kamioneta hodi lori ba hatama iha kompania nia armajen. Imajen/Antonio Goncalves.

COVALIMA, 09 juñu 2022 (TATOLI)–Governu liuhosi Sentru Solidariedade Sosiál, hahú hosi fulan-janeiru to’o fulan-juñu ne’e, fó aopiu foos saka 1,270 ba família vulneravél sira iha Covalima.

“Bazea ba pedidu no rezultadu ne’ebé asesu, hahú fulan-janeiru to’o juñu ne’e, Governu liuhosi sentru solidariedade sosiál fó ona apoiu foos saka 1,270 ba família vulneravél sira iha Covalima,” Diretór Sentru Solidariedade Sosiál (SSS) Covalima, Agapito Asis, informa ba Agência Tatoli, iha nia kna’ar fatin Suai Loro, kinta ne’e

Tuir dadus, foos saka 1,270 ne’e sentru solidariedade sosial Covalima fó apoiu bae ma vulneravél sira iha fulan-janeiru ne’e foos saka 149, fevereiru saka 740, marsu saka 138, maiu saka 175 no fulan-juñu foos saka 68.

Foos ne’ebé sentru solidariedade sosiál Covalima fó apoiu ba família vulneravél firak ne’e akontese tanba bazea ba pedidu ne’ebé hatoo hosi xefe suku sira.

Aleinde apoiu foos família vulneravél fó apoiu mós foos ba ema ho difisiénsia sira iha Fokupers, Uma Mahon Salele, estudante orfanatu sira no eis prizoneiru ne’ebé reintrega fali ba ba família.

Maske durante ne’e fó apoiu foos ba família vulneravél sira maibé estoke foos iha armajen hamutuk saka 400 ne’ebé sei sufisiente atu fó apoiu ba povu sira-ne’ebé presiza atu hetan tulun.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here