Simeira internasionál IV Timor-Leste kona-ba enerjia minerál. Imajen/ANPM

DILI, 09 juñu 2022 (TATOLI)—Autoridade Nasional do Petróleu no Minerál (ANPM), Ministériu Petróleu no Minerál (MPM) hamutuk ho empreza IN-VR  oil & gas hanesan konsultória no empreza ba promosaun enerjia sei realiza simeira internasionál IV kona-ba enerjia minerál.

Eventu ne’e sei realiza durante loron tolu, hahú loron 14 to’o 16 juñu 2022 iha City 8, ne’ebé hetan apoiu hosi empreza internasionál no nasionál hanesan Santos, Timor Gás no Petróleu, Empreza Públika (Timor GAP, E.P), Banku Nasional  Komérsiu Timor-Leste (BNCTL, sigla portugés), Caltech Group, Bolloré Logistics, Weststar-Gap Aviation, Vieira de Almeida, Woodside Energy, Sundagas, Beacon Minerals Limited, Schlumberger, BGP (empreza geofízika ida hosi Xina), Bluewater, Similie, ETO, Kámara Komérsiu no Indústria Timor-Leste (CCI-TL), no TradeInvest Timor-Leste.

Notísia relevante: MPM-ANPM sei realiza simeira globál edisaun datoluk petróleu-gás via online

Tuir nota ne’ebé Agência Tatoli asesu kuarta ne’e, oradór importante ne’ebé sei partisipa iha simeira ne’e maka Ministru Petróleu no Minerál, Víctor da Conceição Soares, Prezidente ANPM, Florentino Soares Ferreira, inklui oradór seluk hosi empreza patrisipadór sira. 

Durante loron tolu, simeira internasionál ne’e sei aprezenta no oferese opurtunidade kle’an no boot, ne’ebé foka liu ba partisipasaun empreza mina, gas no enerjia, empreza midstream, empreza mina inklui empreza fornesedór serbisu no teknolojia sira.

Koordenadór IN-VR, Chryssa Tsouraki no Stelios Papagrigoriou serbisu hamutuk ona ho ANPM, hahú kedan iha tinan 2019 hodi promove no kria relasaun di’ak entre Timor-Leste ho nasaun hotu, liuliu ho produtór enerjia sira iha mundu tanba ninia baze iha Londres, Reinu Unidu no APAC hodi kria relasaun ida favorável no sustentável ba investimentu.

Nune’e, empreza IN-VR sai patrosinadór ba iha simeira ne’e ba loron daruak nian, ne’ebé sei ko’alia barak liu kona-ba kontiudu lokál no lukru ka oferta balun ne’ebé mak hetan hosi simeira ida-ne’e, sei oferese ba Orfanatu do Lar de Santa Teresinha iha postu administrativu Quelecai, munisípiu Baucau. 

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here