Xefe suku sira tuir formasaun iha postu administrativu Fohorem. Imajen Tatoli/Celestina Teles.

COVALIMA, 08 juñu 2022 (TATOLI)–Governu kapasita xefe suku iha Colvalima tuir formasaun kona-ba kompeténsia lideransa komunitáriu ne’ebé hatuur ona iha lei suku nian no kuñesimentu báziku utiliza komputadór halo servisu iha suku.

Notísia Relevante: Autoridade Covalima Sei Apoia Komputadór 30 Ajuda Servisu Xefe Suku

Governu organzia formasaun ne’e liuhosi Administrasaun Munisípiu Covalima hosi Servisu Munisipál ne’ebé apoiu hosi Organizasaun Naun Governamental no Oganizasaun Komunitária hodi kapasita líderansa komunitáriu hosi postu administrativu Tilomar, Fohorem, Fatululik no Fatumea.

“Ita presiza fó formasaun ba sira, nune’e sira bele halo servisu iha ida-idak nia suku. Se ita la realiza formasaun entaun se lae sira-nia komputadór sira-ne’e rai de’it entaun ami presiza fo formasaun ba sira,” Diretór Servisu Apoiu ONG no OC, Agostinho Mendonça, hato’o ba jornalista sira, iha salaun administrasaun postu Fohorem, tersa ne’e.

ONG fó formasaun ne’e hodi ezekuta orsamentu tinan fiskál 2022, ho nune’e  dirasaun apoiu  ONG ho organizasaun komunitáriu iha dever hodi fó kapasitasaun ba lidér komunitária ho nia funsionáriu sira.

Formasaun ba líder komunitaria sira-ne’e hala’o, tanba foin lalais Ministru Administrasaun Estatál (MAE) distribui ona komputadór ba líder komunitária sira iha suku 30 iha postu administrativu hitu munisípiu Covalima.

Servisu apoiu ONG fó formasaun ba líder komunitáriu iha faze dahuluk ne’e hala’o ba líder komunitáriu postu administrativu Fohorem, Fatumea, Fatululik no Tilomar.

Tuir planu sei kontinua fó formasaun ba líder komunitária sira iha postu administrativu Maucatar, Zumalai no postu administrative Suai Vila.

“Iha tempu ida agora ne’e, primera faze ne’e ba postu administrative haat (4) mak hanesan postu administrativu Tilomar, Fatumea, Fatululik, no Fohorem. Iha segunda faze mak ami sei bolu tan postu administrative tolu (3) hanesan Maukatar, Zumalai, no Suai Vila,” nia informa.

Atividade kapasitasaun ba lidér komunitáriu sira iha suku 30 ne’e, Governu apoiu orsamentu hamutuk $3,240, ne’ebé formasaun ba faze dahuluk Tilomar, Fatumea, Fatululik, no Fohorem  uza orsamentu  $1,120 no ba faze daruak  uza  $1,120 ne’ebé sei kobre suku sira iha postu administrativu  Maucatar,  Zumalai no Suai Vila.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here