Primeiru Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (08/06). Imajen Tatoli/Francisco Sony

DILI, 08 juñu 2022 (TATOLI)—Governu liuhosi reuniaun Konsellu Ministru (KM), kuarta ne’e, aprova projetu dekretu-lei kona-ba alterasaun dahuluk ba dekretu Governu númeru 10/2016, 21 setembru, kona-ba remunerasaun ba órgaun Autoridade Inspensaun no Fiskalizasaun Atividade Ekonómia Sanitária no Alimentár, Institutu Públiku (AIFAESA, I.P).

Alterasaun lei remunerasaun ne’e aprezenta hosi Ministru Koordenadór Asuntus Ekonómiku, Joaquim Amaral.

“Alterasaun ne’e ninia objetivu mak atu adapta ba nível salariál órgaun AIFAESA, I.P. ba espesifisidade, komplexidade no nível responsabilidade hosi  atribuisaun no kompeténsia ne’ebé sira halo ba importánsia ne’ebé institutu públiku ne’e asume iha setór ekonómiku oioin, no mós ba realidade ekonómika daudaun ne’e iha Timor-Leste,” Ministru Prezidénsia Konsellu Ministru, Fidelis Manuel Leite Mangalhães, hateten, hafoin ramata reuniaun ezekutivu, iha Palásiu  Governu.

Notísia relevante: AIFAESA halo inspesaun ba tabaku ilísitu iha merkadu Taibesi

AIFAESA iha kompeténsia atu halo inspensaun no fiskalizasaun, katak produtu sira ne’ebé iha di’ak ba saúde umana,  fó instrusaun no determina koima bainhira empreza komete infrasaun tuir Dekretu-Lei númeru 26/2016, loron 29 juñu 2016.

Vizaun institutu ne’e maka hanesan entidade referénsia ida ba protesaun konsumidór, defeza ba saúde no promosaun ba konkorénsia leál entre operadór ekonómiku.

Ho misaun importante ne’e mak halo avaliasaun kona-ba risku iha kadeia alimetár no asegura komunikasaun no divulgasaun públika no transparante ba konsumidór sira, halo inspesaun no fiskalizasaun no prevensaun ba kumprimentu lejizlasaun ne’ebé regula ezersísiu kona-ba atividade ekonómiku sira iha setór alimentár no la’ós alimentár.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here