Estudante Sekundáriu Eskola 04 Setembru tuir ezame nasionál, iha Viqueque villa, segunda (13/12). Imajen Tatoli/Vitorino Lopes da Costa

VIQUEQUE, 07 juñu 2022 (TATOLI)—Servisu Edukasaun munisípiu Viqueque distribui ona diploma ba finalista hamutuk 3.458 hosi ensinu báziku no sekundáriu anu letivu tinan 2021.

“Nune’e, ami distribui ona diploma 3.458 ba eskola sira hodi prienxe estudante sira-nian valór. Diploma ba ensinu báziku no sekundáriu hamutuk 2.013, sekundáriu iha 1.386 no tékniku vokasionál hamutuk 59,” Diretór Servisu Edukasaun munisípiu Viqueque, Emídio Amaral, hateten ba Agência Tatoli, iha ninia knaar fatin, tersa ne’e.

Tuir Diretór, diploma sira entrega ona ba diretór eskola ida-idak, hafoin sira prenxe hotu valór mak lori fali hodi Diretór asina.

“Kauze ha’u asina hotu ona no fahe ona ba ita-nia estudante finalista sira. Ita tenke aselera distribisaun diploma tanba estudante finalista hosi ensinu  báziku to’o sekundáriu, tanba finalista sekundáriu sei ba kontinua estudu iha universidade,” nia akresenta.

Notísia relevante: Estudante finalista na’in-1.813 hosi eskola haat simu ona diploma

Aliende ne’e, kaderneta eskolar ba estudante Ensinu Báziku Sentrál (EBC, sigla portugés) hosi 1,2 siklu fahe ona maibé kaderneta ba 3 siklu maka seidauk distribui tanba sei iha nasionál.

“Ita sei hein kaderneta hosi nasionál, kuandu iha ona mak ita sei ba foti hodi distribui ba eskola sira. Tanba durante ne’e terseiru siklu kuaze ensinu báziku hamutuk 21 iha munisípiu Viqueque  seidauk iha kaderneta. Ita sei presiza kaderneta 4.000 hanesan ne’e hodi prienxe estudante sira nian valór hosi terseiru siklu nian,” nia dehan.

Jornlaista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here