Ministru Finansa, Rui Augusto Gomes. Imajen Tatoli/Francisco Sony

DILI, 07 maiu 2022 (TATOLI)—Ministru Finansa, Rui Augosto Gomes, akompaña ho ekipa hala’o sorumutu no konvida Prezidente Repúblika, José Ramos Horta, atu partisipa reuniaun ho parseiru dezenvolvimentu internasionál no nasionál hodi diskute rekuperasaun ekonómika no mudansa klimátika.

“Informa ba Prezidente Repúblika kona-ba reuniaun ho parseiru dezenvolvimentu hahú hala’o agora iha MNEK no enkontru bilaterál ne’e sei termina sesta (10/06) semana ne’e,” Rui Gomes hateten ba jornalista sira hafoin sorumutu ho Xefe Estadu iha Palásiu Prezidensiál Bairru Pite, tersa ne’e.

Tema reuniaun tinan ne’e mak ko’alia kona-ba oinsá rekupera ekonómika hamutuk no oinsá mak bele iha sosiedade reziliente, tanba Timor-Leste hetan impaktu makaas hosi mudansa klimátika, nune’e presiza buka meiu hamutuk ho parseiru dezenvolvimentu bele alínea programa sira hodi halo sosiedade reziliente forte liu bainhira hasoru dezastre naturál.

“Ida-ne’e mak ami informa ba Prezidente Repúblika no Prezidente aseita atu ba fó mensajen hodi ko’alia kona-ba perspetiva Prezidensia Repúblika nian ba dezenvolvimentu nasionál Timor-Leste nian aban bainrua la’o oinsá, no mensajen PR sei foka liu ba asuntu nutrisaun ba labarik no inan sira”, nia dehan.

Iha reuniaun ne’e partisipa hosi parseiru sira balun iha rai-laran hanesan embaixador, organizasaun multilaterál hanesan Banku Mundiál, Banku Dezenvolvimentu Asiátiku, JICA no sira seluk no la’ós rezidente.

Reuniaun ne’e iha aprezentasaun lubuk hosi oradór, sira sei ko’alia kona-ba tema hanesan kadeia valór produtu sira ne’ebé halo iha rai laran to’o iha konsumidór sira, adaptasaun klimátika, aspeitu nutrisaun no deznutriasaun, liuliu ba labarik no inan sira no sei iha lansamentu roteiu kona-ba finansa públika nian.

Notísia relevante: Governu prevee millaun $123 ba pakote rekuperasaun ekonómika iha OJE 2021

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here