Selesaun Nasionál U-23 Timor -Leste ho naran istimadu “Lafaek”, fila hikas ona mai Timor-Leste, hafoin fulan-ida viajen iha diaspora. Imajen/Hortencio Sanchez

DILI, 07 juñu 2022 (TATOLI) – Selesaun Nasionál U-23 Timor-Leste ho naran estimadu “Lafaek”, fila hikas ona mai Timor-Leste, hafoin fulan ida-resin halo atividade jogu iha diaspora hanesan partisipa SEA Games iha Vietname, traning camp iha Qatar no jogu amigavél iha Cambodia.

Ekipa U-23 na’in-27, too iha Dili ho aviaun Citilin ho númeru aviaun QG 500 no too iha Aeroportu internasionál Prezidente Nicolau Lobato, iha loron segunda (06/06), tuku 15:00, lokoraik.

Notísia relevante:  Derrota iha SEA Games, Selesaun nasionál U-23 arranka ba halo jogu amigavél

“Agradese tebes ba imi nia pasiénsia no imi nia didikasaun ba nasaun doben ne’e, imi nia viájen dook tebes durante fulan ida, maibé ohin imi too mai ho di’ak, sai ba ho di’ak fila mai ho di’ak ami kontente simu imi,” Adjuntu Sekretáriu Jerál Federasaun Futeból Timor-Leste (FFTL), Frederico Martins, hateten iha salaun Xanana Sport Centre Dili, segunda ne’e.

Tanba ne’e, nia husu ba jogadór sira atu labele lakon esperansa ho derrota ne’ebé mak iha durante ne’e, maibé fuan boot simu rezultadu saida de’it tanba FFTL iha kondisaun atu dezenvolve futeból iha Timor-Leste.

Notísia relevante:  Jogu amigável iha Qatar, TL empata 2-2 ho Nepal 

Durante iha rai liur, semana ida halo traning camp iha Malázia no halo jogu amigavél hasoru selesaun nasionál U-23 Malazia nian manán 2-1. Bainhira avansa ba SEA Games Vietname rezultadu jogu monu tanba lakon hotu iha jogu haat.

Ho nune’e, iha loron 18 maiu, jogadór hirak ne’e ho ekipa arranka ba Qatar hodi halo preparasaun traning camp no halo jogu amigavél ho selesaun senior Nepal ho rezultadu empata 2-2.

Iha loron 31 maiu, Selesaun Nasionál fila hosi Qatar ba Cambodia hodi halo jogu amigavél ho selesaun seniór Cambodia nian ho rezultadu derrota 1-2.

Notísia relevante:  Jogu amigavél, ekipa Timor-Leste derrota ho Cambodia 1-2

Jornalista: Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here