Ministru Negosiu Estrainjeiru Cina, Wang Yi.bahinra simu husi Xanana Gusmao iha gabinete Fronteira Maritima, sabadu 4 juinu 2022. Imajen Tatoli/Antonio Daciparu

DILI, 05 juñu 2022 (TATOLI)— Xefe Negosiadór Prinsipál ba Asuntu Delimitasaun Fronteira Marítima, Kay Rala Xanana Gusmão, hato’o agradese bainhira simu vizita hosi Konselleiru Estadu no Ministru Negósiu Estrajeiru Xina, Wang Yi, mai Timor-Leste, atubele hametin liután kooperasaun biletrál rai rua ne’e iha futuru.

Iha enkontru ofisiál ne’ebé nakonu ho amizade ne’e, Kay Rala Xanana Gusmão agradese tebes ba Governu Xinéza liohusi Ministru Negósiu Estranjeiru Xina nian ba apoiu hotu durante tinan 20 ikus ne’e

Ministru Negosiu Estrainjeiru Cina, Wang Yi.bahinra simu husi Xanana Gusmao iha gabinete Fronteira Maritima, sabadu 4 juinu 2022. Imajen Tatoli/Antonio Daciparu

“Agradese espesiál ba apoiu medikamentu no ekipamentu protesaun nian iha mitigasaun no prevensaun  durante períodu pandemia  COVID-19 nian,” refere nota ne’ebé Agência TATOLI asesu, domingu ne’e.

Parte rua konkorda katak, sei hametin liután lasu amizade ne’ebé la’o ona durante ne’e hodi respeita nafatin prinsípiu sira Estadu ida-idak nian.

Iha enkontru ne’e, Xanana Gusmão no MNE Wang Yi simbolikamente intrega rekordasaun ba  malu nu’udar aktu komemorativu tinan 20 estabelesimentu relasaun diplomátika entre Timor-Leste no Xina.

Durante estádia oras 24 iha Dili, Ministru Wang Yi hala’o enkontru bilaterál ho nia ómologa Timorense, Ministra Negosiu Estranjeiru no Kooperasaun (MNEK), Adaljiza Magno hodi fó sasin ba asinatura akordu entre Governu Repúblika Demokrátika Timor-Leste no Governu Repúblika Populár Xina iha área sira hanesan; Kooperasaun Ekonómika no Téknika, Área Saúde, Administrasaun Rádiu no Televizaun Nasionál (RTTL) no akordu kontinuasaun prosesu dijitalizasaun RTTL no projetu televizaun dijitál terrestre.

Akompaña Xanana Gusmão iha enkontru ne’e mak hanesan, Eis Vise Ministru Negósiu Estranjeiru no Kooperasaun, Roberto Soares.

Jornalista: Felicidade Ximenes

Editór         : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here