Kondisaun Eskola EBF Mamulak Viqueque, kinta (26/05). Imajen Tatoli/Vitorino Lopes da Costa

VIQUEQUE, 07 juñu 2022 (TATOLI)-Diretór Servisu Edukasaun munisípiu Viqueque, Emídio Amaral, informa, durante semana ida maka Eskola Ensinu Báziku Filiál (EBF) Mamulak suspende provizóriu programa merenda eskolár, nune’e iha semana oin sei re-ativa fali.

“Merenda eskolár iha EBF Mamulak suspende kuaze semana ida ona, maibé sesta agora ami sei halo enkontru ho Diretór Ensinu Báziku, Koordenadór Filiál Mamulak inklui inan-aman sira, atu ami esplika filafali ba sira, nune’e segunda ita bele reativa fali merenda eskolár,”  Diretór hateten ba Agência Tatoli, iha ninia knaar fatin, sesta ne’e.

Notísia relevante: Eskola EBF Mamulak Viqueque provizóriu suspende atividade merenda eskolár

Nia dehan,  rezultadu teste sampel seidauk sai, maibé tenki re-ativa fali tanba merenda eskolár uza orsamentu Estadu, bainhira la ativa programa ne’e mak orsamentu fila ba kofre Estadu.

“Maski sampel seidauk mai, ita labele deskonfia ema sira prepara hahán, maibé ita mós sei hato’o ba sira hodi prepara hahán karik tenki moos, nune’e labele mosu tan hanesan iha semana kotuk liu, estudante hamutuk na’in-30 hetan moras. Kona-ba prosesu sampel ba hahán merenda eskolár horiseik ami enkontru ho Administradór munisípiu Viqueque nune’e Diretór Servisu Saúde munisípiu Viqueque fó hatene ba ami  katak sampel rezultadu seidauk sai, sei hein loro- lima hanesan ne’e,” nia akresenta.

Nune’e, bainhira programa merenda  eskolár la implementa mak sei ba parte eskola tenke ba hatán ba entidade relevante no orasamentu sei hatama fali ba kofre Estadu, tanba ne’e maka tenki re-ativa fali.

“Re-ativa merenda eskolár hodi hein rezultadu texte sampel ne’ebé haruka ona ba nasionál,” nia akresenta.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here