Bandeira FRETILIN.

DILI, 03 juñu 2022 (TATOLI)—Reuniaun alargada hosi Komité Sentrál Fretilin (CCF, siglá portugés) iha loron 28-29 maiu ne’e, ne’ebé lidera  direta hosi Prezidente Partidu Fretilin, Francisco Guterres ‘Lú Olo’, hasai rezolusaun ida hodi kongratula dedikasaun no korajen lideransa Sekretáriu Jerál Partidu Fretilin, Mari Alkatiri.

Tuir nota imprensa ne’ebé Tatoli asesu katak, rezolusaun númeru 3/CCF/2022, 29 maiu kona-ba kongratulasaun ba dedikasaun no korajen lideransa Sekretáriu Jerál Partidu Fretilin, Mari Alkatiri iha auzénsia temporária Prezidente Fretilin.

Rezolusaun ne’e hamutuk iha pontu dalimak hanesan dahuluk, konsidera kompleksu situasaun polítika no dezáfiu akontese desde iha 2017 ho impaktu iha funsionamentu órgaun soberania  podér Estadu, ameasa fundamentu Estadu direitu demokrátiku.

Daruak, konsidera importánsia no responsabilidade Fretilin hanesan organizasaun libertadora, génese no garante indepedénsia.

Datoluk, konsidera nesesidade ho lideransa ida ho korajen no determinasaun kontinua levanta valór no prinsípiu.

Dahaat, perante auzénsia Prezidente Partidu, dezempeña funsaun Xefe Estadu, pasa ba liderasan másima exersísiu totalmente hosi Mari Alkatiri.

Dalima, rekuñesimentu Sekretáriu Jerál Partidu hatene asume funsaun defene ho korajen sabadoria no klarividensia interese konjuntura no estratéjiku hosi Fretilin.

Nune’e delibera kongratula Sekretáriu Jerál Partidu Fretilin, Mari Alkatiri ba nia dezempeñu globál iha lideransa hosi Fretilin, dezempeñu demonstra durante eleisaun parlamentár 2017 no 2018 até nia kontribuisaun ba fim solusiona impase polítiku-instituisionál ho viabilizasaun VIII Governu konstituisionál.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here