Hospital Rejionál Eduardo Ximenes (HoREX) Baucau. Imajen Tatoli/Natalino Belo.

BAUCAU, 03 maiu (TATOLI) – Hospital Rejionál Eduardo Ximenes (HoREX) Baucau durante fulan-maiu, transporta pasiente hamutuk na’in-30 ba Hospital Nacionál Guido Valadares (HNGV) tanba kondisaun ekipamentu.

Xefe Departamentu Kontrolu Kualidade HoREX Baucau, Mário Marcelo Sarmento, hateten, desizaun transfere pasiente sira hosi rejionál Baucau ba nasionál tanba ekipamentu mákina radiolojia (mákina raiu-xís) avária hodi difikulta prosesu tratamentu iha HoREX.

“Tuir ita-nia kondisaun no rekursu ne’ebé iha, nia objetivu mak atendimentu ba pasiente. Karik bele halo tratamentu iha Baucau ka buka mekanismu atu transfere ba nasionál, importante mak salva pasiente,” Xefe Departamentu Kontrolu kualidade HoREX Baucau hateten iha Vila Nova, sesta ne’e.

Desizaun transfere tanba problema ekipamentu, médiku, menus raan no pasiente transfere ba nasionál maioria sofre moras trauma, anemeia, kanek todan, inan isin-rua no seluk tan.

Notisia relevante: Mákina raiu-xís iha HoREX Baucau avaria

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here