Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 03 juñu 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, informa tuir planu Governu liuhosi STAE sei lansa no loke ofisiál eskritóriu STAE munisípiu Ataúro iha semana oin.

Notísia Relevante: Eleisaun Parlamentár 2023: MNEK sujere kria sentru votasaun foun iha Indonézia-Filipina

“Tuir planu semana oin ami sei lansa no loke ofisiál eskritóriu STAE munisípiu Ataúro nian no sei lansa ajustamentu mós kartaun eleitór munisípiu Ataúro nian,” Diretór Jerál STAE ne’e hateten ba jornalista sira, hafoin halo enkontru ho MNEK, kona-ba preparasaun eleisaun parlamentár, iha salaun STAE Caicoli, Dili, sesta ne’e.

Iha lansamentu ajustamentu ne’e, atu lori troka resensiamentu kartaun eleitoral Ataúro nian hosi postu administrative ba Munisípiu no iha tempu hanesan loke ofisiál eskritóriu STAE nian.

Diretór ne’e haktuir, STAE mós konsentra lori halo ajustamentu kartaun eleitorál iha postu adminiatrativu Loré-Lautém ho postu administrative Hatulia-Ermera no lansamentu hala’o tiha ona maibé oras ne’e daudaun atendimentu la’o normál hela.

Munisipiu Ataúro iha suku lima hanesan Beloi, Biqueli, Macadade, Maquili no Vila Maumeta, aldeia hamutuk 19 ho totál populasaun hamutuk 11,744 ne’ebé kompostu hosi feto 5,509 no mane 5,715.

Entretantu, nia dehan, daudaun ne’e STAE nia emar halo resensiamentu eleitorál iha munisípiu 12 ho Rejiaun Administrativa Espesiál Oé-Cusse Ambeno (RAEOA), ba sidadaun ne’ebé kompleta ona ba tinan 16 hodi hakbesik an hodi rejistu no ba sira ne’ebé mak kartaun eleitorál aat, lakon no tohar bele ba atualiza fali.

“Espesiál ba sidadaun sira-ne’ebé mak iha suku foun sira mai hosi 2016 eziste kontinua uza kartaun elitorál tuan nian ne’e tenke ba atualiza, se lae sei problema bainhira tempu eleisaun,” nia dehan.

STAE rejistu eleitór elijivel iha territóriu nasionál hamutuk 859.613, iha estranjeiru 852.500 ne’ebé rejistadu iha nívél nasionál 7.113 iha diáspora.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here