ESJ Nicolau Lobato, Comoro. Imajen Tatoli/Egas Cristóvão

DILI, 03 juñu 2022 (TATOLI)–Eskola Ensinu Sekundáriu Jerál (ESJ) Nicolau Lobato, Comoro, presiza livru manuál matéria inglés ekonomia no matemátika ba estudante sira atu apoiu estudante iha prosesu ensinu aprendizajen.

Diretór ESJ Nicolau Lobato, Marcos Soares Paicheco, hateten, antes ne’e iha tinan 2012 sira simu ona distribuisaun livru matéria tolu ne’e hosi Ministériu Edukasaun Juventude no Desportu (MEJD) maibé tinan-10 ona livru barak lakon no naklees hotu.

“Iha tinan 2022 ne’e ami hasoru difikuldade hanesan menus livru manuál ba estudante sira. Livru ne’ebé ami simu iha tinan 2012 to’o agora lakon no naklees hotu ona. Tanba ne’e, ami presiza hetan fali distribuisaun livru matéria inglés, matemátika no ekonomia foun hosi Governu,” Diretór eskola informa ba Agência Tatoli, iha ninia knaar fatin, Comoro, sesta ne’e.

Notísia relevante: Estudante iha Maliana-Cailaco tenke kontaktu nafatin ho livru

Marcos haktuir, parte eskola presiza tebes livru manuál atu tulun estudante 12o ano sira iha prosesu ensinu aprendizajen.

Eskola presiza livru manuál hamutuk 900, kompostu hosi inglés 300, ekonomia 300 no matemátika 300, atu nune’e bele fasilita di’ak liután estudante ninia prosesu estudu.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here