Diretór Alfándega Munisípiu Covalima, Nuno Nogueira. Imajen Tatoli/Celestina Teles

COVALIMA, 03 juñu 2022 (TATOLI)–Diretór Aduaneira Covalima, Nuno Nogueira, hateten Autoridade Aduaneira la aplika taxa ba sidadaun sira-ne’ebé halo exporta sasán agrikultura ba rai-li’ur liuhosi fronteira terrestre.

“Buandu halo exportasaun ita la aplika taxa ba ita-nia exportadór sira maibé livre hosi taxa. Maibé meiu mak sira tenke, iha dokumentu packing list ho invoice no aprezenta lisensa karantina hosi agrikultura kona-ba esportasaun produtu agrikultura atu haruka ba rai-li’ur,” Nuno Nogueira hato’o ba Agência Tatoli, iha fronteira Salele, kinta ne’e.

Autoridade auduaneira apela ba komunidade bele exporta sasán barakliu hanesan nuu-maran, kobra no sasán agrikultura seluk ne’ebé mak hetan lisensa hosi karantina.

“Ita apela ba ita-nia komunidade bele halo exportasaun saán barakliu hanesan kobra, nuu-maran no sasán agrikultura sira seluk, maibé tenke hetan autorizaun hosi karantina hafoin bele esporta ba liur,” nia informa.

Tuir dadus, hahú iha fulan-fevreiru to’o maiu kompañia Madarlin, Lda, exporta, kamii kulit saku rihun 100 no kompañia Timor Resoruces haruka sample Oli ho gas box tolu ba Jakarta-Indonézia atu indentifika nia kualidade.

Tanba hafoin Governu normaliza ona mivomentu sidadaun iha fronteira terrestre Salele, sidadaun sira tuir estimasaun iha entrada no sai ne’e loron ida bele atende ema 50-100.

“Ami-nia oráriu oras servisu ramata mak foin fila ba uma tanba fronteira foin loke presiza dokumentu balun hodi atende ema. Sidadaun sira-ne’ebé mak lori sasán sira presiza, tanba durante ne’e sidadaun sira movimentu tama-sai makaas, hafoin Governu deside normaliza movimentu sidadaun iha fronteira terrestre,” nia hateten.

Tuir observasaun Agência Tatoli iha terrenu katak iha fronteira terrestre Salele, postu administrativu Tilomar, hafoin Governu normaliza fronteira terrestre movimentu sidadaun tama-sai no movimentu transporte hodi importa materiál konstrusaun, nesesidade bázika no mobiliáriu  mai iha Timor-Leste.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here