Diretór Administrasaun no Finansa MEJD, Antoninho Pires. Imajen Tatoli/Egas Cristóvão

DILI, 02 juñu 2022 (TATOLI)–Ministériu Edukasaun Juventude no Desportu (MEJD) sei prepara vaga 2.000 atu troka funsionáriu públiku sira ne’ebé husik ona sira-nia knaar.

Tuir Diretór Jerál Administrasaun Finansa MEJD, Antoninho Pires, funsionáriu públiku ne’ebé parte ministériu identifika labele kontinua ona serbisu.

“Ita tenke prepara vaga 2.000 hodi troka funsionáriu públiku sira tanba ita-nia funsionáriu sira balun mate, balun inválidu ka moras, balun rezigna-an, balun destaka fali ba fatin seluk no ho idade avansadu atu reforma,” Diretór Jerál informa iha salaun Ian Martin INFORDEPE, Caicoli, kinta ne’e.

Notísia relavnte: MEJD prevee OR millaun $9 apoiu estudante sira iha eskola públiku no privadu

Ho nune’e, iha tempu badak MEJD sei aprezenta vaga ba Komisaun Funsaun Públiku (KFP) hodi halo prosesu, maibé vaga ne’e ho intensaun atu halo substituisaun de’it la’ós atu aumenta tan númeru.

“Funsionáriu Públiku ne’ebé maka prepara ona ba reforma hamutuk 1.000 resin, ne’ebé barak liu maka hanesan profesór,” nia akresenta.

Totál profesór iha territóriu nasionál hamutuk 21.000, ne’ebé fahe ba kategoria tolu hanesan permanente 11.000, kontratadu 5.000 no voluntáriu 5.000.

“Ami sei halo verifikasaun ba funsionáriu voluntáriu no daudaun ne’e dadus ne’ebé ami rekolla foin maka iha 5.000. Agora funsionáriu MEJD iha territóriu nasionál iha 500.000,” nia tenik.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

1 KOMENTÁRIU

  1. Sou Eusébio Vidigal, L.ED. sou um preletor que fui lecionar apesar de 2017 até data mas ainda não tem uma subsídio de transforte e por isso queria informa-vos pode reeverificar rápidamente esta planu para asselerar os seus deveres e direitos dos professores. Excl. Sr. Um grande abraço.

HAKEREK NO HATÁN

Please enter your comment!
Please enter your name here