Ministru Administrasaun Estatál, Miguel Pereira de Carvalho. Imajen TATOLI/Francisco Sony

COVALIMA, 02 juñu 2022 (TATOLI)–Ministru Administrasaun Estatál, Miguel Pereira de Carvalho akompaña hosi Vise Ministru Lino de Jesus Torrezão lidera reuniaun konselu koordenasaun territoriál ho Prezidente autoridade munisípiu (PAM) haat (4) no administradór munisípiu (AM) sia (9).

Objetivu hosi enkontru konselu koordenasaun territoriál ne’e hodi diskute planu no programa ne’ebé implementa no ezekusaun orsamentu bazea ba dekretu-lei númeru 3/2006.

Reuniaun konselu koordenasaun territoriál ne’e realiza iha salaun administrasaun munisípiu Covalima, durante loron tolu hahú loron 30 fulan-maiu to’o loron 01 fulan-juñu ne’e no hodi deside mós loron hala’o enkontru konsellu koordenasaun fulan tolu dala-ida.

“Iha enkontru konsellu koordenasaun ne’e atu haklaken objetivu no programa planu la’o no ezekutasaun orsamentu bazea dekretu-lei númeru 3/2006 nia impaktu ezekusaun kompeténsia prezidente autoridade no administradór sira,” Vise Ministru Administrasaun Estatál,  Lino de Jesus Torrezão, hateten ba jornalista sira iha  suku Bele-Kasak, aldeia Busa-Da’o, kuarta ne’e.

Enkontru konselu koordenasaun aleinde ko’alia implementa planu programa ko’alia mós grande opsaun planu 2023 no orsamentu retifikativu kuaze millaun $1-resin ba veteranu no Uma Kbiit Laek (UKL) plus (+) kategoria A no B.

“Ami ko’alia kona-ba grande opsaun planu 2023 no orsamentu retifikativu kuaze millaun ida-resin ba veteranu sira no UKL plus (+) ho kategória A ho B pertinente programa ne’ebé mak ami hala’o durante loron tolu (3) nia laran,” nia informa.

UKL plus (+) ho kategória A ho B prezidente autoridade munisípiu no administradór munisípiu sira mak sei deside kada postu administrativu sira labele iha vila, suku sira mak halo uma hirak ne’e hamutuk 1000 kada postu.

UKL Kategória B fahe deit kaleng ba iha postu vila sira-ne’e, PNDS mak sei sosa transporte ba benefisiáriu sira, tuir lista benefisiáriu hamutuk 100 atu fó zinku bainhira uma ne’e zinku aat ka ferujen, uma ne’e aat tenke troka hotu zinku.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here