Xefe Departamentu PDIM, António Sousa de Jesus. Imajen Tatoli/Vitorino Lopes da Costa

VIQUEQUE, 01 juñu 2022 (TATOLI)—Ministériu Administrasaun Estatál (MAE) liuhosi Planu Dezenvolvimentu Integradu Munisipál (PDIM) kapasita órgaun implementadór sira iha munisípiu Viqueque kona-ba elaborasaun planu investimentu.

“Ami mai fó kapasitasaun ba órgaun implementadór  hodi elabora planu investimentu munisipál ba tinan 2024. Tanba  órgaun implementadór maka sai hanesan serbisu munisipál bazeia ba dekretu-lei númeru 54, tanba ne’e ami fó kapasitasaun hodi hasa’e sira-nia koñesimentu,” Xefe Departamentu PDIM, António Sousa de Jesus, hateten ba Agência Tatoli, iha salaun administrasaun munisipál, kuarta ne’e.

Notísia relevante: Munisípiu Viqueque ezekuta ona OJE 2022 ho pursentu 14

Dekretu-lei númeru 54/2020, segunda  alterasaun ba dekretu-lei  númeru 3/2016, 16 marsu, deskreve kona-ba aprovasaun estatutu administrasaun munisipál ba autoridade munisípiu no grupu tékniku interministeriál hodi dezentraliza administrativa.

Responável PDIM dehan, tuir planu sei haree liu ba setór hotu iha munisípiu, ne’ebé munisípiu rasik sei define menu indikativu sira hanesan setór edukasaun, saúde, agrikultura, obra públika no edifísiu públiku hanesan edifísiu administrasaun postu, morru, estrada no ponte kiik sira.

PDIM ho kategoria orsamentu $150 to’o $500, ne’ebé orsamentu ida-ne’e ba tipu setór sira ne’ebé atu difine sai perioridade ba tinan 2024.

“Ho ida-ne’e, formadór nasionál sira ne’ebé mai kapasita ba ita-nia órgaun implementadór  sira, antes ne’e ami halo uluk  training of trainers (ToT) molok ami desloka ba munisípiu sira. Ami fahe ba ekipa rua hanesan munsípiu Manufahi no Viqueque. Tanba PDIM ninia knaar tuir dekretu-lei artigu 13 liga ba orgánika MAE, dekretu-lei númeru 53, ne’ebé ami-nia knaar maka fó asisténsia téknika ba planeamentu, aprovizionamentu no eleborasaun dezeñu Bill of Quantity (BoQ) iha munisípiu maibé ami fó asisténsia téknika,” nia tenik.

Nune’e, kapasitasaun ramata ba órgaun implementadór sira no sei halo eleborasaun maibé sei hein karta despaixu hosi MAE kona-ba preparasaun no instrusaun planeamentu mai konsellu koordanasaun munisipál.

Hafoin konsellu koordenasaun munisipál halo karta bazeia ba despaixu hosi MAE hodi dirije ba postu administrativu no suku hodi halo prosesu elaborasaun  tanba iha karta ne’e anexa ho karta despaixu no kaléndariu ba prosesu elaborasaun.

Prosesu elaborasaun iha pasu sia, ne’ebé identifikasun prioridade iha nível suku liuhosi métodu paralizmu, hafoin halo eleisaun iha suku maka aprezenta ba postu administrativu hodi tais prioridade ne’ebé korresponde ba situsaun relevante atuál iha komunidade.

Nune’e, aprezenta ba konsellu koordenadór munisipál hodi halo reuniaun ho órgaun implementadór hosi suku no postu hodi halo peramentu matrix atu difine setór períoridade sira.

Atividade ne’e partisipa hosi administradór postu lima, delegasasaun territoriál munisípiu,  postu no membru tékniku PDIM sira munisípiu Viqueque.

Kapasitasaun realiza durante loron-lima, hahú loron 30 maiu no sei ramata iha loron 03 juñu 2022.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here