Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 01 juñu 2022 (TATOLI)–Governu liuhosi reuniaun Konsellu (KM), kinta ne’e, aprova proposta rezolusaun ba Parlamentu Nasionál (PN) atu ratifika Emenda Doha ba protokolu Quioto.

Proposta rezolusaun ne’e aprezenta hosi Ministra Negósiu Estranjeiru no Kooperasaun, Adaljiza Albertina Xavier Reis Magno.

“Protokolu Quioto ne’e hanesan tratadu internasionál ida, ne’ebé nasaun sira asina akordu ne’e halo kompromisu hodi hamenus sira-nia emisaun gas idaidak ne’ebé halo efeitu estufa iha atmosfera,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha auditóriu Ministériu Finansa, Aitarak-laran, kuarta ne’e.

Notísia relevante: SEA realiza konferénsia nasionál alterasaun klimátika 2022 ba da-IV

Nune’e, Emenda Doha ba protokolu ne’e mós hanesan kontributu importante ida hodi hasa’e konsiénsia no mobilizasaun kona-ba nesesidade no ezijénsia ba esforsu boot ida nível globál hodi kombate alterasaun klimátika sira, liuliu liuhosi hamenus emisaun gas ne’ebé halo efeitu estufa 5% iha média.

Enkuantu, Emenda Doha ne’e ratifika ona hosi nasaun 147.

Jornalista : Antónia Gusmão.

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here