Kadeira a’at ne’ebé MEJD entrega ba Eskola Ensinu Sekundáriu Tékniku Vokasionál Becora hodi halo reparasaun, iha resintu eskola, sesta (08/04). Imajen TATOLI/Tomé Amado

DILI, 01 junu 2022 (TATOLI)—Diretór Eskola Bázika Sentrál (EBC) Atabae, Egildo Amaral, hateten EBC Atabae iha suku Aidabaleten, postu adminitrativu Atabae, munisipiu Bobonaro sei menus fasilidade eskola.

“Jeralmente kondisaun EBC Atabae nia kondisaun hosi edifísiu sala di’ak maibé sei falta buat barak hanesan edifisiu balun aat ona no ita-nia meza no kadeira ne’ebé estudante uza mós sei menus,” Direktur EBC ne’e hateten ba Agência TATOLI, iha City8, Manleuana, Dili, kuarta ne’e.

Maibé, nia dehan, nu’udar responsavél halo esforsu buka meiu oinsá estudante bele asesu aprendizajen mezmu hasoru difikuldade.

“Ho difikuldade ne’ebé iha sai obstakulu ida mai ami atu bele hala’o prosesu ida-ne’e. Maibé ha’u buka esforsu para buka hosi fatin seluk, tanba ha’u-nia agrupamentu boot iha munisipiu Bobonaro,” nia esplika.

Responsável ne’e hatutan, iha fulan ida liubá sira buka fali kadeira ho meza iha eskola seluk nune’e estudante bele tuir prosesu aprendizajen iha sala-de-aula.

Entretantu EBC Atabae iha sala-de-aula hamutuk 14 no estudante hosi 7⁰ ano to’o 9⁰ ano hamutuk 620 resin no profesór hamutuk 24, ne’ebé kompostu hosi profesór permenente 13 no kontratadu na’in-hitu (7) no voluntariu na’in-haat (4). Maibé profesór na’in-tolu (3) reformadu iha tinan 2020, agora profesór ba matéria língua portugeza mak sei menus.

“Ho ida-ne’e iha inisiativa sei enkontru inan-aman sira atu bele kontribui uitoan atu bele buka profesór voluntáriu, nune’e sira bele apoiu hanorin iha eskola ne’e maibé presiza mós tulun hosi Governu, atu nune’e ita-nia alunu sira bele uza no tuir aprendizajen loro-loron nian,” nia esplika.

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here