Oscar Lima. Imajen Tatoli/António Gonçalves

DILI, 01 juñu 2022 (TATOLI)—Prezidente Kámara Komersiu Insdústria Timor-Leste (CCI-TL, siglá portugés), Óscar Lima, akompaña ho ekipa, kuarta ne’e, hala’o sorumutu ho Prezidente Repúblika, José Ramos Horta.

Prezidente CCI-TL, Óscar Lima, hateten enkontru ne’e dahuluk ekipa hosi CCI-TL ho Prezidente Repúblika ne’e hakarak kongratula Prezidente ne’ebé hetan fiar hosi povu ba mandatu tinan lima mai.

“Iha enkontru ami aprezenta servisu importante liga ba CCI-TL nian no ekonomia rai ida-ne’e ho mós preokupasaun emprezáriu sira-nian,” nia hateten ba jornalista sira hafoin ramata sorumutu ho Xefe Estadu, José Ramos Horta, iha Palásiu Prezidensiál, Bairru Pite.

Preokupasaun emprezáriu sira-nian mak hanesan lei rai, jurus bo’ot asesu ba kreditu ne’ebé iha ligasaun ho ekonomia no mós situasaun COVID-19 ne’ebé afeta ba empreza barak taka no hasoru difikuldade.

Ho nune’e, Xefe Estadu oinsá buka atu ko’alia ho Governu liu-hosi Primeiru-Ministru hodi tau atensaun atu fó benefisiu ba dezenvolvimentu.

“Hato’o preokupasaun sira ne’e ba Prezidente Repúblika no ami kontente fó resposta hosi PR ne’ebé hein katak bele tau atensaun,” nia dehan.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here