Ró-ahi Berlin-Ramelau atraka iha Portu Dili, segunda (20/12). Imajen Tatoli/Egas Cristóvão

DILI, 31 maiu 2022 (TATOLI)–Ministru Transporte no Komunikasaun (MTK), José Agustinho da Silva, hateten, membru FALINTIL-Forsa Defeza Timor-Leste (F-FDTL) hosi komponente Navál sira mak durante ne’e apoia tripulante hodi lori ró-ahi Berlin-Ramelau rute Dili-Oé-cusse bá-mai.

“Tripulante timor-oan sira ne’ebé durante ne’e iha atu lori nafatin ita-nia ró ne’e, hetan apoia mós hosi espesialista membru F-FDTL Navál,” Ministru hateten iha Palásiu Governu, tersa ne’e.

Notísia relavante: Tripulante timor-oan familiár ona ho fasilidade ró-ahi Berlin-Ramelau

Ró-ahi Berlin-Ramelau, segunda ne’e hahú hikas operasaun Dili-Oé-cusse hafoin para tiha kuaze fulan-ida tanba kondisaun pesa balun a’at.

“Ne’e situasaun ne’ebé Governu tenke solusiona emediata. Ita-nia situasaun jerál durante ne’e liga ba ró-ahi rua (Berlin-Ramelau no Berlin Nakroma), tau ba kestaun tripulante, tanba ita-nia sasán, maibé ema estranjeiru maka opera. Situasaun ne’e mak durante eziste maibé halo akizisaun ró-ahi foun iha kedas planu oinsá aselera prosesu. Timor-oan sira ne’ebé durante ne’e hasai estudu iha área ne’e, oportunidade oferese ba sira hodi jere rasik ró-ahi ne’e maibé durante ne’e hasoru difikuldade, ne’ebé situasaun reál akontese katak ró-ahi ne’e soke ahu-ruin sira, entaun buka solusaun tanba ró ne’e ita hasai kustu boot,” nia akresenta.

Ministru dehan, ho difikuldade sira ne’e maka husu ona apoia téknika hosi espesialista hodi fó apoia operasionál.

Enkuantu, ró-ahi Berlin-Ramelau bainhira to’o iha Timor-Leste tripulante timor-oan hamutuk na’in-13-mak hala’o serbisu hodi lori ró ne’e operasionaliza hosi Dili-Oé-cusse maibé durante ne’e tripulante sira hasoru difikuldade, hanesan odamatan ró labele loke.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here