Produtu lokál iha Merkadu Taibesi. Imajen Tatoli/António Gonçalves

DILI, 30 maiu 2022 (TATOLI)—Ministériu Finansa (MF) liuhosi Diresaun Jerál Estatístika (DGE, sigla portugés) fó mundansa Índise Presu Konsumidór (IPK) abril 2022 nian sa’e ba +1,2%.

“Kompara ba marsu 2022 sa’e mós +0,9%, mudansa presu grupu hotu +1,2% tanba hetan kontribuisaun hosi grupu hahán no bebida la’ós alkólika +1,2%s, transporte +5,2%, no alkól no tabaku +2,9%,” refere nota ne’ebé Agência Tatoli asesu, segunda ne’e.

Kona-ba hatais no sepatu -0,5%, ekipamentu inklui manutensaun mobiláriu uma-laran hetan -0,3%, sai hanesan mudansa kontráriu ba inflasaun grupu hotu.

Hahán no bebida la’ós alkólika sa’e +1,2% tamba hetan impaktu maioria hosi sub-grupu mina no bokur hetan +8,2%, foos +2,7%, susu-been, keiju no manu-tolun hetan +2%, no na’an +0,5%.

Notísia relevante: IPK marsu sa’e ba 0,7%

Nune’e, modo tahan -0,2%, ai-fuan -1,3%, masin-midar, marmelada, bani-been, cokolate no hahán midar hetan -0,3% sai hanesan mudansa kontráriu ba inflasaun grupu hahán no bebida la’ós alkólika.

Mudansa persentajen IPK anuál sa’e ba +6,6% kompara entre abril 2022 ho abril 2021, tanba hetan kontribuisaun hosi grupu hahán no bebida la’ós alkólika +7,3%, transporte +12,8%, alkól no tabaku +21,7%, uma +1%, ekipamentu no manutensaun mobiliáriu uma-laran +1,4%.

Ba rekreasaun no kultura +2%, saúde +1%, no edukasaun +2,4% ba anuál marsu 2022 no grupu hatais no sepatu -0,5% sai hanesan mudansa kontráriu ba inflasaun grupu hotu anuál abril 2022.

Inflasaun Tradeable sa’e ba +1,7% no non-Tradeable tun ba -0,1% iha mensál kompara entre abril 2022 ho marsu 2022.

Inflasaun Tradeable sa’e ba +8,9% no non-Tradeable sa’e ba +1,3% iha anuál kompara entre abril 2022 ho abril 2021.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here